Eksodusi 20:8 - Siswati 1996 Bible

“Khumbula liSabatha, uligcine libe ngcwele.

Eksodusi 20:8 Referencias Cruzadas

Genesisi 2:2

Ngelilanga lesikhombisa Nkulunkulu abesawucedzile wonkhe umsebenti wakhe labewenta; wase uyaphumula.

Genesisi 2:3

Ngako-ke Nkulunkulu walibusisa lilanga lesikhombisa, walingcwelisa; ngobe ngalo waphumula emsebentini wakhe wonkhe wekudala.

Nehemiya 13:15

Ngalawo malanga ngabona emadvodza akaJuda agcobagcoba litje lekuhlutela emagelebisi ngelilanga leliSabatha, bangenisa lokutinhlavu bakwetjatsisa timbongolo, batetfwesa neliwayini, nemagelebisi, nemakhiwa, nayo yonkhe nje leminye imitfwalo. Konkhe loko babekumikisa eJerusalema kuliSabatha. Ngako ngabadvonsa ngendlebe kutsi bangabokutsengisa kudla ngelilanga leliSabatha.

Nehemiya 9:14

Wabatisa liSabatha lakho lelingcwele, wabanika imiyalo, netimiso kanye nemitsetfo ngenceku yakho Mosi.

Eksodusi 23:12

“Uyawusebenta emalanga lasitfupha, kodvwa ngelilanga lesikhombisa ungasebenti, kuze kutsi tifuyo takho, netigcili letitalelwe kakho, kanye nebetive labasebenta kakho batewuphumula.

Eksodusi 31:12

Simakadze wakhuluma kuMosi, watsi:

Eksodusi 35:1

Mosi wasihlanganisa sonkhe sive sema-Israyeli, wakhuluma kuso watsi: “Naku-ke Simakadze laniyale ngako kutsi nikwente:

Isaya 56:2

Ubusisiwe umuntfu lokwentako loko, umuntfu lobambelela kuko, lowo logcina liSabatha angaloni, abambe sandla sakhe singakwenti lokubi.”

Isaya 58:13

“Nawugcina tinyawo takho tingalephuli liSabatha, ungakwenti loko lokutsandvwa nguwe ngelilanga lami lelingcwele, nawubita liSabatha ngekutsi lilanga lenjabulo nelilanga lelingcwele laSimakadze lelihloniphekile, futsi nawulihlonipha ngekungahambi ngendlela yakho, ungenti njengekutsandza kwakho, ungakhulumi emavi lalite,

Jeremiya 17:21

Naku lokushiwo nguSimakadze, utsi: Caphelani ningawetfwali umtfwalo ngeliSabatha, nome niwungenise emasangweni aseJerusalema.

Jeremiya 17:22

Ningayetfwali imitfwalo niphume nayo etindlini tenu, nome-ke nente leminye nje imisebenti ngeliSabatha, kodvwa gcinani lilanga leliSabatha libe ngcwele, njengaloku ngayala boyihlomkhulu.

Jeremiya 17:24

“ ‘Simakadze utsi: Kodvwa nanicaphela ningilalele ningete nangenisa imitfwalo emasangweni alelidolobha nakuliSabatha, kodvwa nigcine liSabatha lingcwele, ngekungenti namunye umsebenti ngalelo langa,

Hezekeli 20:20

Gcinani emaSabatha ami angcwele, kuze abe sibonakaliso emkhatsini wetfu. Ngulapho-ke niyakwati khona kutsi nginguSimakadze longuNkulunkulu wenu.”

Levithikusi 19:3

Nguloyo naloyo kufanele ahloniphe unina neyise, agcine emaSabatha ami. NginguSimakadze, Nkulunkulu wenu.

Levithikusi 19:30

Nibogcina liSabatha lami, nihloniphe indzawo yami lengcwele; nginguSimakadze.

Levithikusi 23:3

Ninemalanga lasitfupha leningasebenta ngawo nente umsebenti wenu, kodvwa lilanga lesikhombisa liSabatha lekuphumula, lilanga lekukhonta. Akukafaneli nente nome ngumuphi umsebenti lapho nihlala khona. Lelo liSabatha laSimakadze.

Levithikusi 26:2

Gcinani emaSabatha ami niyihloniphe nendzawo yami lengcwele. NginguSimakadze.

Numeri 15:32

Atsi ema-Israyeli asesehlane, kwatfolakala indvodza itfota tinkhuni ngelilanga leliSabatha.

Dutheronomi 5:12

“ ‘Gcina liSabatha ngekulenta libe ngcwele, njengobe Simakadze akuyala.