Eksodusi 20:6 - Siswati 1996 Bible

Kodvwa labangitsandzako nalabagcina imiyalo yami ngibehlisela umusa wami longapheli etinkhulungwaneni tetitukulwane netitukulwane tabo.

Eksodusi 20:6 Referencias Cruzadas

Nehemiya 1:5

ngase ngitsi: “Awu, Simakadze, Nkulunkulu welizulu, wena unguNkulunkulu lomkhulu nalowesabekako, logcina sivumelwane sakhe selutsandvo kulabo labamtsandzako nalabagcina imiyalo yakhe.

Tihlabelelo 103:17

Kodvwa umusa waSimakadze ukubo bonkhe labamesabako, futsi uyawuhlala ukubo phakadze naphakadze, nekulunga kwakhe etikwebantfwana bebantfwana,

Eksodusi 34:7

ubentela umusa labatinkhulungwane, atsetselele emaphutsa, nalokubi, netono. Kodvwa ngingeke ngihlale ngingamjezisi lonelicala; ngijezisa bantfwana nebatukulu ngetono tebatali babo, kuze kufikele esitukulwaneni sesitsatfu nesesine.”

Taga 3:1

Ndvodzana yami, ungayikhohlwa imfundziso yami, kodvwa inhlitiyo yakho ayigcine imiyalo yami,

Jeremiya 32:18

Ubaphatsa ngelutsandvo labatinkhulungwane, kodvwa wehlisele sijeziso ngetono taboyise ematsangeni ebantfwababo emvakwabo. Awu Nkulunkulu, wena lomkhulu nalonemandla, lolibito lakhe kunguSimakadze longuSomandla,

Danyela 9:4

Ngathandaza kuSimakadze Nkulunkulu wami ngivuma tono ngitsi: “Awu Simakadze, wena unguNkulunkulu lomkhulu nalowesabekako, logcina sivumelwane sakhe nelutsandvo kubo bonkhe labamtsandzako bente imiyalo yakhe,

Numeri 14:18

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

Johane 14:15

“Naningitsandza, nitawugcina imiyalo yami.

Johane 14:21

“Lowo lonemiyalo yami futsi ayigcine, nguye-ke longitsandzako. Lowo lotsandza mine uyawutsandvwa nguBabe, nami ngiyawumtsandza ngitibonakalise kuye.”

Imisebenti yebaPhostoli 2:39

Ngobe setsembiso saNkulunkulu senu nesebantfwabenu kanye nabo bonkhe labakhashane, lowo nalowo loyawubitwa nguNkulunkulu, iNkhosi yetfu, kutsi ete kuye.”

Dutheronomi 4:37

Ngobe wabatsandza boyihlomkhulu, wakhetsa titukulwane tabo emvakwabo, wanikhipha eGibhithe ngebukhona bakhe nangemandla akhe lamakhulu,

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

1 yaJohane 4:19

Tsine sitsandza, ngobe kwacala yena wasitsandza.

1 yaJohane 5:3

Ngobe kutsandza Nkulunkulu kugcina imiyalo yakhe. Imiyalo yaNkulunkulu ayimatima kitsi.

2 yaJohane 1:6

Ngulolo-ke lutsandvo, kutsi sihambe ngekwemiyalo yakhe; ngiwo lomyalo lekumelwe kutsi nihambe ngawo, njengobe neva kwasekucaleni.