Eksodusi 20:26 - Siswati 1996 Bible

Ningalakhi lilati lelinetitebhisi letenyukela kulo; ngobe nanenta njalo, nitawube nembula bungcunu benu kulo.’ ”

Eksodusi 20:26 Referencias Cruzadas

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Eksodusi 28:42

“Kufanele ubentele imibekelo yelineni kusukela elukhalweni kuze kufike ematsangeni, khona batewufihla bungcunu babo.

Eksodusi 28:43

Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”

Umshumayeli 5:1

Caphela tinyatselo takho, nawuya endlini yaNkulunkulu. Ngobe kuncono kusondzela nekulalela kunekutsi unikele ngemhlatjelo wetilima, letingati kutsi ngekwenta loko tiyona.

Hezekeli 43:17

Likhatsinendzawo lalo nalo lalisikwele, lingemamitha labengaba sikhombisa, yonkhe indzawo lalinemngcengcema lolitungeleta ngephandle ungemasentimitha labengaba ngema-25 kuphakama. Lomsedlana wawungemasentimitha labengaba ngema-50 bubanti. Titebhisi letatenyukela etulu kulelilati tatingasemhlubulweni wangasemphumalanga.”

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

1 yaPhetro 1:16

UmBhalo utsi: “Banini ngcwele, ngobe nami ngingcwele.”