Batsi kube bantfu bakubone loko, baguca phansi bakhotsama, bakhala, batsi: “Simakadze unguNkulunkulu! Simakadze unguNkulunkulu!”
Eksodusi 20:2 - Siswati 1996 Bible “NginguSimakadze Nkulunkulu wenu lowanikhipha eGibhithe, eveni lebugcili. |
Batsi kube bantfu bakubone loko, baguca phansi bakhotsama, bakhala, batsi: “Simakadze unguNkulunkulu! Simakadze unguNkulunkulu!”
Konkhe loku kwenteka ngobe baka-Israyeli bona kuSimakadze Nkulunkulu wabo, labekabakhiphe eGibhithe, ngaphansi kwemandla aFaro, inkhosi yaseGibhithe. Besuka bakhonta labanye bonkulunkulu,
Ngako-ke Simakadze Nkulunkulu wakhe wamnikela esandleni senkhosi yaseSiriya. EmaSiriya amehlula, atfumba bantfu bakhe labanyenti, baba titfunjwa, eta nabo eDamaseko. Waphindze waniketwa etandleni tenkhosi yaka-Israyeli, leyamehlula kabuhlungu, kwafa bantfu labanyenti.
“Lalelani-ke, sive sami, nginitjele. Ye Israyeli, nginibeka licala! Ngimi Nkulunkulu, longuNkulunkulu wenu.
Ngimi Simakadze longuNkulunkulu wenu, lowanikhuphula eveni laseGibhithe. Khamisisani imilomo yenu, mine-ke ngitanifunta nginesutsise.
Nangibita nisebunzimeni nganephula, nganiphendvula ngingale kwemafu lahlomile, nganivivinya emitfonjeni yaseMeribha. Cabanga.
Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.
Mosi wakhuluma kubantfu, watsi: “Nibolikhumbula lelilanga leniphume ngalo eGibhithe, endlini yebugcili, ngobe Simakadze unikhiphe ngesandla sakhe lesinemandla kulendzawo. Ningasidli sinkhwa lesifakwe imbiliso.
“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.
behlelwe kutfutfumela neluvalo. Ngenca yamandla emkhono wakho, bayawutfomeka, banganyakati nakancane; kuze kwendlule sive sakho, yebo, kuze kwendlule sive sakho, lowasitsenga ebugcilini, Simakadze.
Wakhuluma kubo watsi: “Naningilalela, nigcina livi lami, mine Nkulunkulu wenu, nente loko lokulungile, nigcine nemiyalo yami, ngingeke nginijezise ngaletifo lengatehlisela etikwemaGibhithe. Mine nginguSimakadze longumphilisi wenu.”
Bayawukwati kutsi nginguSimakadze longuNkulunkulu wabo, lowabakhipha eveni laseGibhithe, ngentela kuhlala emkhatsini wabo. NginguSimakadze longuNkulunkulu wabo.”
Ngako-ke tjela ema-Israyeli utsi: ‘NginguSimakadze; ngitanikhulula kulokugcilatwa kwenu ngemaGibhithe. Ngengalo yami leyelulekile nangetento temandla lengiyawubajezisa ngato ngiyawunephula kubo.
Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.
Simakadze utsi: “Noko, ayeta emalanga, lapho bantfu bangaseyikutsi: ‘Ngifunga kuphila kwaSimakadze, lowakhipha ema-Israyeli eveni laseGibhithe,’
Abazange babute, batsi: ‘Uphi Simakadze lowasikhipha eGibhithe, wasihola sadzabula lihlane lelingenalutfo, sadzabula live lelinetingagadvu nemigedze, live lesomiso nebumnyama, live lelingahanjwa ngumuntfu nalelingahlalwa ngumunfu?’
Simakadze utsi: “Ngaleso sikhatsi ngiyawuba nguNkulunkulu wato tonkhe tinsendvo taka-Israyeli, tona tiyawuba sive sami.”
Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.
“Naku lokushiwo nguSimakadze Nkulunkulu wema-Israyeli, utsi: Ngenta sivumelwane nabokhokho benu ngesikhatsi ngibakhipha eGibhithe, eveni lebugcili. Ngatsi:
NginguSimakadze Nkulunkulu wenu, landzelani timiso tami, nicaphele kugcina imitsetfo yami.
utsi kubo: ‘Naku lokushiwo yiNkhosi Simakadze, itsi: Ngelilanga lengakhetsa ngalo ema-Israyeli, ngafunga ngiphakamise sandla kuto titukulwane tendlu yakaJakobe, ngatembula mine kubo baseseGibhithe. Ngatsi ngiphakamise sandla sami, ngatsi kubo: “NginguSimakadze Nkulunkulu wenu.”
Ngabuye ngatsi kubo: “Ngulowo nalowo wenu akalahle letitfombe letenyanyekako lese nibeke emehlo enu kuto, ningatingcolisi ngaletitfombe taseGibhithe. NginguSimakadze Nkulunkulu wenu.”
“Kodvwa mine nginguSimakadze longuNkulunkulu wakho, lowakukhipha eGibhithe. Animati lomunye Nkulunkulu ngaphandle kwami; kute uMsindzisi ngaphandle kwami.
Yebo, nginguSimakadze lowanikhipha eGibhithe kutsi ngitewuba nguNkulunkulu wenu; ngako-ke banini ngcwele njengobe nami ngingcwele.
Nibosebentisa tilinganiso tebudze, netesisindvo kanye netebunyenti letisemtsetfweni. NginguSimakadze, Nkulunkulu wenu, lowanikhipha eGibhithe.
kuze titukulwane tenu tati kutsi ngenta sive sema-Israyeli kutsi sihlale emadlangaleni, mhlazane ngibakhipha eveni laseGibhithe. NginguSimakadze, Nkulunkulu wenu.’ ”
NginguSimakadze, Nkulunkulu wenu, lowanikhipha eveni laseGibhithe kutaninika lelive laseKhenani, nekutsi ngibe nguNkulunkulu wenu.’ ”
Njengobe ema-Israyeli atinceku tami lengatikhipha eGibhithe, kufanele angatsengiswa njengetigcili.
ngobe kimi phela sive sema-Israyeli tinceku, yebo, tinceku tami lengatikhipha eveni laseGibhithe. NginguSimakadze, Nkulunkulu wenu.’ ”
“ ‘Ningatenteli nkulunkulu nome sithico lesibatwe ngelitje, nome umfanekiso waluphi luhlobo lobatwe ngelitje eveni lenu kutsi nitewukhotsama embikwawo. NginguSimakadze, Nkulunkulu wenu.
Mine nginguSimakadze, Nkulunkulu wenu, lowanikhipha eGibhithe, kuze ningabe nisaba tigcili temaGibhithe. Ngephula tikeyi telijoko lenu, nganenta nahambela etulu nikhululekile.’ ”
“Mine futsi nganikhipha eGibhithe, nganihola iminyaka lengema-40 ehlane, ngentela kuninika live lema-Amori.
Kute umehluko emkhatsini wemJuda nemGriki ngobe yona leyo Nkhosi yiNkhosi yabo bonkhe, bonkhe labatibika ngekubita libito layo ibenetisa ngetibusiso ngalokuphuphumako.
Empeleni Nkulunkulu ngabe unguNkulunkulu wemaJuda kuphela yini? Akasiye yini futsi Nkulunkulu webetive? Vele, unguNkulunkulu newebetive,
Mgcobeni ngematje aze afe, ngobe wetame kunigudlula kuSimakadze Nkulunkulu wenu lowanikhipha eGibhithe, eveni lebugcili.
Khumbula kutsi nawe wake waba sigcili eGibhithe, Simakadze Nkulunkulu wakho wakuhlenga. Nguko nje ngikunika lomyalo lamuhla.
“Naniya emphini niyawulwa netitsa tenu bese nibona emahhashi ato, netincola tato, nemphi yato iyinkhulu kakhulu kunalena yenu, ningatesabi, ngobe Simakadze Nkulunkulu wenu lowanikhipha eGibhithe uyawuba nani.
Khumbula kutsi nawe bewusigcili eGibhithe nekutsi Simakadze Nkulunkulu wakho wakukhipha lapho ngesandla lesinemandla nemkhono lowelulekile. Ngako-ke Simakadze Nkulunkulu wakho ukuyalile kutsi uligcine liSabatha.
Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.
Ingilosi yaSimakadze yakhuphuka isuka eGilgali yaya eBhokhimu, yafike yatsi: “Nganikhipha eveni laseGibhithe, nganihola ngaze nganingenisa kulelive lengafunga ngalo ngatsi ngiyakulinika boyihlomkhulu. Ngatsi kubo: ‘Ngingeke ngisephule sivumelwane sami nani.
Ngakhuluma kini, ngatsi: “NginguSimakadze Nkulunkulu wenu; ningabakhonti bonkulunkulu bema-Amori, kulelive lawo lenihlala kulo.” Kodvwa anizange ningilalele.’ ”