Eksodusi 19:8 - Siswati 1996 Bible

Sonkhe sive saphendvula ngalivi linye, satsi: “Konkhe lokushiwo nguSimakadze siyawukwenta.” Mosi wahamba wayawubikela Simakadze.

Eksodusi 19:8 Referencias Cruzadas

Nehemiya 10:29

bonkhe-ke labo bahlanganyela nabomnakabo nebahlonishwa babo, batibopha ngesicalekiso nangesifungo kutsi batawulandzela kahle umtsetfo waNkulunkulu labanika wona ngaMosi, inceku yaNkulunkulu, kuyilalela yonkhe imiyalo nemihambo kanye netimiso taSimakadze longuNkulunkulu wabo.

Eksodusi 20:19

Bakhuluma kuMosi batsi: “Khuluma wena kitsi, sitakuva; siyesaba kutsi nakungakhuluma Nkulunkulu kitsi, sitakufa.”

Eksodusi 24:3

Mosi wahamba wafike wabatjela yonkhe imiyalo nemitsetfo yaSimakadze. Bonkhe bantfu baphendvula kanyekanye batsi: “Onkhe emavi lawakhulumile Simakadze siyakuwenta.”

Eksodusi 24:7

Wase utsatsa incwadzi yesivumelwane, wayifundza, bonkhe bantfu balalela, bakhuluma batsi: “Konkhe lokushiwo nguSimakadze siyawukwenta sikulalele.”

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Joshuwa 24:21

Kodvwa bantfu bakhuluma kuJoshuwa, batsi: “Cha! Tsine sitawukhonta Simakadze.”

Joshuwa 24:24

Bantfu bakhuluma kuJoshuwa, batsi: “Sitawukhonta Simakadze Nkulunkulu wetfu, silalele yena.”