Eksodusi 15:17 - Siswati 1996 Bible

Uyawubangenisa ubahlanyele entsabeni yakho, indzawo leyakhetfwa nguwe, Simakadze, kutsi ibe likhaya lakho, indzawo lengcwele, Simakadze, lowayakha ngetandla takho.

Eksodusi 15:17 Referencias Cruzadas

2 Samuweli 7:10

Sive sami, ema-Israyeli, ngitasentela indzawo lenhle, ngisihlanyele khona kuze sibe nelikhaya laso, singaphindzi sikhatsateke. Bantfu lababi bangeke baphindze basihluphe sive njengobe bebenta ekucaleni,

1 Emakhosi 8:13

ngempela sengikwakhele lithempeli lelihle kakhulu, indzawo yakho lapho kutabohlala wena khona phakadze naphakadze.”

Tihlabelelo 114:2

Juda waba sive lesingcwele saSimakadze, Israyeli waba sive lesibuswa nguye.

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 44:2

Nguwe lowacitsa tive ngesandla sakho, wahlanyela bokhokho eveni lato; tive watidvungulula, wahlumisa bobabe betfu.

Tihlabelelo 68:16

Wena ntsaba leneticongo letinyenti, uyibukelani ngeliso lelibi lemona, lentsaba lekhetfwe nguNkulunkulu, watsandza kutsi ibe likhaya lakhe? Simakadze uyawuhlala kulo kuze kube phakadze.

Tihlabelelo 76:2

Lithende lakhe liseSalema, nendlu yakhe iseSiyoni.

Tihlabelelo 80:15

wona lowo mvini lowawuhlanyela ngesandla sakho sangesekudla, naleligala lotikhulisele lona.

Tihlabelelo 80:8

Wazuphuna umvini eGibhithe, wacosha tive, wase uwuhlanyela eveni lato.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Eksodusi 23:20

“Ngitawutfumela ingilosi ihambe ngembili kwenu inilondvolote nisahamba, inifikise endzaweni lenginilungiselele yona.

Eksodusi 25:8

Labantfu kufanele bangentele indlu lengcwele, khona ngitawuhlala emkhatsini wabo.

Eksodusi 32:34

Hamba-ke uyewuhola labantfu ubayise kulendzawo lengikhulume ngayo kuwe, ingilosi yami itawuhamba embikwakho. Kodvwa siyeta sikhatsi lapho ngitawubajezisa ngenca yekona kwabo.”

Jeremiya 2:21

Bengikuhlanyele njengemvini welikhetselo, weluhlobo lolucinile nalolwetsembekile. Pho, ungigucukele kanjani lokutsi bese uba ngumvini lokhohlakele longewesiganga?

Jeremiya 31:23

Naku lokushiwo nguSimakadze longuSomandla, Nkulunkulu wema-Israyeli, utsi: “Ngiyawutsi nangibabuyisa ekutfunjweni, bantfu labaseveni lakaJuda nasemadolobheni akhona bayawuphindze basebentise nankha emagama batsi: ‘Simakadze akakubusise, awu wenandlu yekulunga, awu wena ntsaba lengcwele.’

Jeremiya 32:41

Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.

Hezekeli 37:26

Ngiyawukwenta sivumelwane sekuthula nabo, siyawuba sivumelwane saphakadze. Ngiyawubahlalisa kahle batinte, ngibente bandze, ngibeke indzawo yami lengcwele emkhatsini wabo phakadze naphakadze.

Hezekeli 37:28

Ngulapho-ke tive tiyawukwati khona kutsi mine Simakadze ngenta Israyeli kutsi abe ngcwele, ngesikhatsi indzawo yami lengcwele iyawuba kubo phakadze naphakadze.’ ”

Dutheronomi 33:19

Bayakubitela tive entsabeni yabo banikele khona lapho imihlatjelo yekulunga; batitapele enaleni yetilwandle nasemnotfweni lofihlwe esihlabatsini.”

Joshuwa 22:19

Nangabe lelive lenilidlile lingcolile, yewelani nite ngalapha eveni laSimakadze, lapho kume khona lithende laSimakadze, nehlukaniselane natsi lelive. Kodvwa ningacali nihlubuke Simakadze nome tsine ngekutakhela lelinye lilati, ngaphandle kwalelilati laSimakadze Nkulunkulu wetfu.