Eksodusi 13:19 - Siswati 1996 Bible

Mosi watsatsa ematsambo aJosefa wahamba nawo, ngobe abebafungisile bantfwana baka-Israyeli kutsi babowatsatsa. Abekhulume kubo watsi: “Nkulunkulu uyakuta anisite; nalifika lelo langa nibowatsatsa lamatsambo ami nihambe nawo.”

Eksodusi 13:19 Referencias Cruzadas

Genesisi 48:21

Israyeli wakhuluma kuJosefa watsi: “Manje sengitawufa, kodvwa Nkulunkulu utawuba nani, aphindze anibuyisele eveni labokhokho benu.

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Lukha 1:58

Bomakhelwane netihlobo takhe beva kutsi iNkhosi imbusise kanganani, bajabula kanye naye.

Lukha 7:16

Bonkhe bantfu bafikelwa kwesaba, badvumisa Nkulunkulu batsi: “Sifikelwe ngumphrofethi lomkhulu!” Baphindze batsi: “Nkulunkulu sewubahambele bantfu bakhe!”

Imisebenti yebaPhostoli 7:15

Wehla-ke Jakobe waya eGibhithe, lapho yena nabokhokho betfu, bahlala khona baze bafa.

Imisebenti yebaPhostoli 7:16

Tidvumbu tabo tamikiswa eShekhemu, lapho tangcwatjwa khona edlizeni lelalitsengwe ngu-Abrahama ngemali esiveni saHamori eShekhemu.

KumaHebheru 11:22

Ngekukholwa Josefa asatawufa, waphawula ngekuphuma kwema-Israyeli eGibhithe, wabanika imiyalo mayelana nekungcwatjwa kwakhe.

Joshuwa 24:32

Ematsambo aJosefa, ema-Israyeli laphuma nawo eGibhithe, angcwatjwa eShekhemu, kulelo tsafa lelive Jakobe lalitsenga ngetinhlavu tesiliva letilikhulu, kumadvodzana aHamori, uyise waShekhemu. Lendzawo yaba lifa letitukulwane takaJosefa.