“Njengobe kubhaliwe futsi emtsetfweni, sitawuletsa ematubulo etfu labafana, newetinkhomo tetfu, newemihlambi yetfu, newetifuyo tetfu, endlini yaNkulunkulu wetfu, kulabo baphristi labayawube bakhonta ngaleso sikhatsi.
Eksodusi 13:12 - Siswati 1996 Bible niyawulehlukanisela Simakadze litubulo lelingumfana. Onkhe ematubulo etifuyo letidvuna ayakuba ngewaSimakadze. |
“Njengobe kubhaliwe futsi emtsetfweni, sitawuletsa ematubulo etfu labafana, newetinkhomo tetfu, newemihlambi yetfu, newetifuyo tetfu, endlini yaNkulunkulu wetfu, kulabo baphristi labayawube bakhonta ngaleso sikhatsi.
“Ngetulu kwaloko sitawuletsa etingungwini tendlu yaNkulunkulu wetfu, kubaphristi kwekucala kwalokusampuphu yetfu, nekwalokutinhlavu lokungumnikelo, nekwetitselo tato tonkhe tihlahla tetfu tetitselo, nekweliwayini lelisha nemafutsa. “Sitawuletsa nekwelishumi kwetivuno tetfu kumaLevi, ngobe ngemaLevi lagcogca kwelishumi kuwo onkhe emadolobha, lapho sisebentela khona.
“Nikela kimi ngako konkhe kwematubulo. Konkhe lokuvula sitalo kuma-Israyeli, nome kwebantfu nome kwesifuyo, kwami.”
“Ungayekeli kunikela ngesivuno sakho semabele neseliwayini nasekuvunwa. “Ungiphe litubulo lemadvodzana akho.
“Onkhe ematubulo labafana ngewami, ngisho ematubulo lamadvuna etifuyo: tinkhomo, netimvu kwami.
Litubulo lelidvuna lembongolo uyawulihlenga ngekunikela lizinyane lemvu esikhundleni salo; nangabe awulihlengi, ubolephula intsamo. Onkhe emadvodzana langematubulo uyakuwahlenga. “Kufanele kubete lovela embikwami angakaphatsi lutfo etandleni.
“ ‘Watsatsa emadvodzana nemadvodzakati akho lowangitalela wona, wawenta umhlatjelo wekudla kwetithico. Lobugwadla bakho babungakeneli yini?
Tonkhe tilinga tetitselo telikhetselo nako konkhe kwetipho tenu telikhetselo kuyawuba kwebaphristi. Niyawubanika sabelo sekucala semphuphu legayiwe, kuze sibusiso sehlele etikwetindlu tenu.
“ ‘Kufanele kubete lonikela ngelitubulo lesilwane, ngobe phela lona vele laSimakadze: nome lenkhomo, nome lemvu, laSimakadze.
“Sitselo sekucala sesitalo sakho, nome semuntfu nome sesifuyo, lesinikelwe kimi, sitawuba sakho. Kodvwa kufanele ulihlenge litubulo lemuntfu lelingumfana, kanjalo futsi nelitubulo lelidvuna lesilwane lesingcolile ngekwemtsetfo.
“Sive semaLevi ngisikhetse emkhatsini wato tonkhe tive tema-Israyeli esikhundleni sematubulo awo onkhe lavula sitalo semadvodzakati ema-Israyeli. EmaLevi ngewami,
ngobe onkhe ematubulo ngewami. Mhlazana ngishaya onkhe ematubulo aseGibhithe, ngatehlukanisela onkhe ematubulo aka-Israyeli, ebantfu newetifuyo. Ayawuba ngewami. NginguSimakadze.”
Onkhe ematubulo lamadvuna esive sema-Israyeli, ebantfu nome etilwane ngewami. Ngesikhatsi ngibulala onkhe ematubulo eGibhithe ngatehlukanisela wona.
njengobe kubhaliwe emtsetfweni weNkhosi, lotsi: “Onkhe ematubulo lamadvuna ayawuba ngcwele eNkhosini,”
“Simakadze Nkulunkulu wakho uyakumehlukanisela onkhe ematubulo lamadvuna etinkhomo netimvu kanye netimbuti. Ungawabopheli ematubulo etinkhomo takho futsi ungawahhuli ematubulo etimvu takho.