Eksodusi 12:29 - Siswati 1996 Bible

Ekhatsi nebusuku Simakadze wabulala onkhe ematubulo eveni laseGibhithe: kusukela esigodlweni etubulweni laFaro lelaliyindlalifa yakhe, kuye etubulweni lesiboshwa lesisejele, nasematubulweni etifuyo.

Eksodusi 12:29 Referencias Cruzadas

Genesisi 15:14

Kodvwa ngiyawusehlulela leso sive lesiyawube sigcilata lesitukulwane sakho; emvakwaloko lesitukulwane sakho siyawuphuma sesinetimphahla letinyenti.

Jobe 34:20

Bafa ngekushesha lokukhulu, ekhatsi nebusuku, bantfu bayatfutfumela bafe, labanemandla besuka bangakatsintfwa ngumuntfu ngisho nangesandla sakhe.

Tihlabelelo 105:36

Wabulala onkhe ematubulo abo eveni, lababetibone ngawo kutsi sebakhulile.

Tihlabelelo 135:8

Nguye lowashaya ematubulo aseGibhithe, ebantfu kanye newetilwane.

Tihlabelelo 136:10

Nguye lowabhubhisa ematubulo aseGibhithe, ngobe umusa wakhe ume kuze kube phakadze.

Tihlabelelo 78:50

Wadedela lulaka lwakhe, wangete walubamba, wangete wawuphephisa umphefumulo wabo ekufeni, kodvwa timphilo tabo watinikela ngetifo letibulalanako.

Tihlabelelo 78:51

Wabulala onkhe ematubulo aseGibhithe, lekwakungumgogodla wemphi emathendeni aHhamu.

Eksodusi 11:1

Simakadze wakhuluma kuMosi, watsi: “Ngisetakwehlisela sinye nje sishayo etikwaFaro neliGibhithe lonkhe. Emvakwaloko utanikhulula kutsi nihambe, empeleni utanicosha niphume niphele kulendzawo.

Eksodusi 12:12

“Ngalobo busuku ngiyawuhamba ngidzabule emkhatsini welive laseGibhithe ngishaye onkhe ematubulo lamadvuna aseGibhithe ebantfu newetifuyo, ngehlulele tonkhe tithico taseGibhithe; nginguSimakadze!

Eksodusi 12:28

Ahamba-ke ema-Israyeli ayawukwenta njengobe abeyalwe nguSimakadze ngaMosi na-Aroni.

Eksodusi 13:15

Ngesikhatsi Faro enta inhlitiyo yakhe iba lukhuni, ala kusikhulula kutsi sihambe, Simakadze wabulala onkhe ematubulo ebantfu baseGibhithe kanye newetifuyo taseGibhithe. Ngiko nje nginikela kuSimakadze onkhe ematubulo lamadvuna; kodvwa onkhe emadvodzana langematubulo ngiyawahlenga.’

Eksodusi 4:23

Ngikutjelile ngatsi: “Khulula indvodzana yami kuze ingikhonte,” kodvwa wena walile kuyikhulula. Ngako-ke ngitawubulala indvodzana yakho yematubulo.’ ”

Eksodusi 9:6

Ngakusasa Simakadze wakwenta loko abetsite utakwenta. Tonkhe tifuyo temaGibhithe tafa; kodvwa kute nome sinye sifuyo sema-Israyeli lesake safa.

Isaya 24:22

Bayawubutselwa ndzawonye njengetiboshwa letiboshelwe ekhulukuthu, bayawuvalelwa ejele, bajeziswe emvakwemalanga lamanyenti.

Isaya 41:11

“Bonkhe labakubhavumulelako, impela, bayakudliwa ngemahloni, bahlazeke; labo labemelene nawe bayawuba lite, babhubhe baphele.

Isaya 51:14

Labo labatiboshwa batawukhululwa masinyane; bangeke bafele kulomgodzi welijele labo, futsi bangeke bakweswele kudla.

Jeremiya 38:13

base bamdvonsa ngaletindophi bamkhiphela ngephandle kwalomgodzi. Jeremiya wahlala esibuyeni sabogadzi.

Jeremiya 38:6

Ngako batsatsa Jeremiya bamfaka emgodzini wakaMalkhiya, umntfwanenkhosi, lowawusekhatsi esibuyeni sabogadzi. Jeremiya bamehlisa ngetindophi, bamehlisela emgodzini, noko wawute emanti lapha kuwo, kwakuneludzaka nje. Jeremiya watika kuloludzaka.

Habakhuki 3:5

Sishayo sihamba embikwakhe, mashayacotfule wesifo ulandzela etinyatselweni takhe.

Zakhariya 9:11

Kodvwa nine, ngenca yengati yesivumelwane sami nani, ngiyawutikhulula tiboshwa takini emgodzini lote emanti.

Numeri 3:13

ngobe onkhe ematubulo ngewami. Mhlazana ngishaya onkhe ematubulo aseGibhithe, ngatehlukanisela onkhe ematubulo aka-Israyeli, ebantfu newetifuyo. Ayawuba ngewami. NginguSimakadze.”

Numeri 33:4

EmaGibhithe abengcwaba ematubulo awo onkhe labeshaywe nguSimakadze emkhatsini wawo; ngobe Simakadze abebehlulele bonkhe bonkulunkulu bawo.

Numeri 8:17

Onkhe ematubulo lamadvuna esive sema-Israyeli, ebantfu nome etilwane ngewami. Ngesikhatsi ngibulala onkhe ematubulo eGibhithe ngatehlukanisela wona.

KumaHebheru 11:28

Ngekukholwa wasungula liPhasika ngekunyenyeta ingati, kuze kutsi ematubulo ema-Israyeli angabulawa ngumbulali.

KumaHebheru 12:23

kanye nelibandla lematubulo lamabito awo abhaliwe ezulwini. NisembikweMehluleli longuNkulunkulu wabo bonkhe, nakuyo imimoya yalabalungile labaphelelisiwe,