Eksodusi 11:7 - Siswati 1996 Bible

Kodvwa emkhatsini wema-Israyeli kute nasinye sifuyo nome umuntfu lokutawuhhongelwa ngisho yinja, khona utekwati kutsi mine, Simakadze, ngenta umehluko emkhatsini wemaGibhithe nema-Israyeli.’ ”

Eksodusi 11:7 Referencias Cruzadas

Jobe 5:16

Ngako labamphofu ubanika litsemba, bese kutsi kungetsembeki kuvalwe umlomo.

Tihlabelelo 7:12

Nangabe umuntfu angaphendvuki, Nkulunkulu ulola inkemba yakhe, antsalele kunemba ngebutjoki bakhe,

Eksodusi 10:23

EmaGibhithe ehluleka kubonana, futsi kwabate umuntfu lowase waphuma lapho ahlala khona kulawo malanga lamatsatfu. Kodvwa ema-Israyeli abenekukhanya lapho abehleti khona.

Eksodusi 7:22

Labalumbi baseGibhithe nabo bakwenta loko ngemilingo yabo. Ngako-ke inhlitiyo yaFaro yachubeka yaba lukhuni kakhulu, akazange akulalele loko babemtjela kona, kwaya njengobe Simakadze abeshito.

Eksodusi 8:19

Labalumbako bakhuluma kuFaro batsi: “Ngumuno waNkulunkulu-ke lo!” Kodvwa inhlitiyo yaFaro yaba lukhuni; akazange akunake lokwakushiwo boMosi na-Aroni, njengobe abevele ashito Simakadze.

Eksodusi 8:22

Kodvwa live laseGosheni, lapho kuhlala khona sive sami, ngitaliphephisa; bangeke bahlaselwe tibawu, khona utekwati kutsi mine, Simakadze, ngikhona kulelive.

Eksodusi 9:26

Sangcotfo asizange sehle eveni laseGosheni, lapho kwakuhlala khona ema-Israyeli.

Eksodusi 9:4

Ngitakwenta umehluko emkhatsini wetinkhomo tema-Israyeli netemaGibhithe. Kute nome sinye silwane lesitakufa lesisema-Israyeli.’ ”

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”

1 kubaseKorinthe 4:7

Vele kambe ngubani lokwenta ube ncono kunalabanye? Yini lonayo longazange uyiphiwe? Nangabe-ke waphiwa, utigabatiselani wente shangatsi awuzange uphiwe?

Joshuwa 10:21

Yonkhe imphi yabuyela iphephile enkambu kuJoshuwa eMakheda; kwabate namunye lokhuluma lutfo loluphambene nema-Israyeli.