Kodvwa emkhatsini wema-Israyeli kute nasinye sifuyo nome umuntfu lokutawuhhongelwa ngisho yinja, khona utekwati kutsi mine, Simakadze, ngenta umehluko emkhatsini wemaGibhithe nema-Israyeli.’ ”
Eksodusi 11:6 - Siswati 1996 Bible Kutawuba nesililo lesikhulu lesingazange sesibe khona eveni laseGibhithe, futsi singeke siphindze sibe khona lesifana naso. |
Kodvwa emkhatsini wema-Israyeli kute nasinye sifuyo nome umuntfu lokutawuhhongelwa ngisho yinja, khona utekwati kutsi mine, Simakadze, ngenta umehluko emkhatsini wemaGibhithe nema-Israyeli.’ ”
Kulobo busuku Faro, netiphatsimandla takhe, nemaGibhithe onkhe bavuka; kwaba nekukhala nekulila lokukhulu eveni lonkhe laseGibhithe, ngobe kute umuti lowawungenamuntfu lofile.
Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.
Asulalele-ke, kusasa ngaso lesikhatsi ngitakwehlisa sangcotfo lesikhulu lesingazange sehle, seloku iGibhithe yaba khona.
Umuntfu longafuni kulalela sikhalo salomphofu, naye angeke aphendvulwe nakakhalela lusito.
Kulila kwabo kuhaza ngesheya kwemnyele wakaMowabi. Kukhala kwabo kuvakala e-Eglayimu, kulila kwabo kuvakale eBheri Elimu.
Ngalelo langa baseGibhithe bayawuba njengebafati. Bayawutfutfumela ngenca yekwesaba ingalo yaSimakadze longuSomandla leyawube iphakanyiselwe kumelana nabo.
Naku lokushiwo nguSimakadze, utsi: “Kuvakala livi lekukhala eRama, yebo, livi lekulila nekukhala lokukhulu, Rakheli akhalela bantfwabakhe angasavumi nekudvudvutwa, ngobe bantfwabakhe bebangasekho.”
Kuyawuba khona kudzindza sililo kuto tonkhe tivini, ngobe ngiyakwendlula emkhatsini wenu nginijezise.”
Simakadze utsi: “Ngalelo langa kuyawuvela kukhala eSangweni Lenhlanti, kuvele kulila eNcenyeni Lensha yelidolobha, nekuphihlika lokukhulu lokuphuma emagcumeni.
“Lapho niyawukhala kudzimate kugedletele ematinyo, nanibona Abrahama, na-Isaka, naJakobe, nabo bonkhe baphrofethi embusweni waNkulunkulu nibe nine nivalelwe ngephandle.