Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.
Dutheronomi 9:11 - Siswati 1996 Bible Ekupheleni kwalamalanga langema-40 nebusuku lobungema-40, Simakadze wanginika letibhelekeca letimbili tematje, lekwakutibhelekeca tesivumelwane. |
Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.
Batsi kube bantfu babone kutsi Mosi sewutsetse sikhatsi lesidze angasehli entsabeni, babutsana ndzawonye beta ku-Aroni bakhuluma kuye batsi: “Kota, usentele nkulunkulu lotawuhamba embikwetfu, ngobe phela asati kutsi sekwente njani kulendvodza lenguMosi leyasikhipha eveni laseGibhithe.”
Satsi sive sema-Israyeli nasisuka eNtsabeni yaSimakadze, satsatsa emalanga lamatsatfu sihamba. Libhokisi lesivumelwane saSimakadze lalihamba embikwabo ngawo onkhe lawo malanga lamatsatfu, libabukela indzawo lapho kwakufanele baphumule khona.
Ngesikhatsi ngenyukela etulu entsabeni kuyawukwemukela tibhelekeca tematje lekwakutibhelekeca tesivumelwane Simakadze lasenta nani, ngahlala entsabeni emalanga langema-40 nebusuku lobungema-40; ngangingadli kudla, nginganatsi manti.
Kulendzawo bekunelilati legolide lekushisela imphepho; lelilati belikanye nelibhokisi lesivumelwane. Lingephandle lalelo bhokisi lonkhe beliyigolide, ekhatsi kwalo bekuneludziwo lwegolide luphetse imana. Kulelo bhokisi bekunendvuku ya-Aroni leyahluma, netibhelekeca tematje tesivumelwane semitsetfo.