Josaya waphahlata ematje lekwakutsiwa angcwele, wagumula tinsika ta-Ashera, wasakata ematsambo ebantfu kuleto tindzawo.
Dutheronomi 7:25 - Siswati 1996 Bible Tithico tato niyakutishisa ngemlilo. Ningacali nihawukele isiliva negolide lekuto, ningatitsatseli loko, ngobe nitawubanjwa lugibe lwato, ngobe loko kusinengiso kuSimakadze Nkulunkulu wenu. |
Josaya waphahlata ematje lekwakutsiwa angcwele, wagumula tinsika ta-Ashera, wasakata ematsambo ebantfu kuleto tindzawo.
EmaFilisti abesabaleke ashiya bonkulunkulu bawo khona lapho, Davide wakhipha umyalo kutsi babashise ngemlilo.
“Ungayihawukeli indlu yamakhelwane wakho. “Ungamhawukeli nemkakhe, nesisebenti sakhe lesidvuna nome lesisikati, netinkhomo takhe, netimbongolo takhe, nome yini lanayo.”
Watsatsa lelitfole lelase lakhiwe, walishisa ngemlilo, waligaya, lacolisakala laba yimphuphu, walibhuca ngemanti, watsi onkhe ema-Israyeli akalinatse.
Mosi wamphendvula watsi: “Cha, kungeke kulunge loko, ngobe leminikelo yetfu yemihlatjelo itawuba sikhubekiso nesicefe kubantfu baseGibhithe. Nasinikela ngemihlatjelo lesinengiso emehlweni abo, bangahlala kanjani bangasigcobi ngematje?
Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”
Kodvwa nibancane kabi kunelite, nemisebenti yenu ilite nje. Lowo lokhetsa nine unengekile.
Kufanele ayishise leyo ngubo, nome imicu nome umtiya nome insontfo, nome intfo yesikhumba nome yentiwe ngani, lapho kubonakale lelobala khona; ngobe phela loko kusasikhuntsa lesitsatselwanako lekufanele kushiswe.
“ ‘Ningagucuki bese nikhonta tithico nome nitentele bonkulunkulu lababunjwe ngensimbi. NginguSimakadze, Nkulunkulu wenu.
“Ngiyawutsanyela bonkhe bantfu netilwane; ngiyawutsanyela tinyoni tasemoyeni kanye netinhlanti taselwandle. Lababi ngiyakubacedza kanye nato tonkhe tikhubekiso, nase ngisusa bonkhe bantfu ebusweni bemhlaba,” kusho Simakadze.
Niyakuwadzilita emalati ato, nibhidlite tinsikamatje tato letitsi tingcwele, nishise naletinsika ta-Ashera wabo ngemlilo, nigawule naletithico tato, nesule emabito ato kuleto tindzawo.
Butsani konkhe loko lokuphangwe kulo nikubutsele ndzawonye enkhundleni yelidolobha, nilishise lonkhe lelo dolobha kanye nemphango yalo kube ngumnikelo wekushiswa samuku kuSimakadze Nkulunkulu wenu. Liyawusala litindzala phakadze naphakadze, aliseyiwuphindze lakhiwe kabusha.
“Ninganikeli kuSimakadze Nkulunkulu wenu umhlatjelo wenkhomo, nome wemvu, nome wembuti lechwalile nome lenesiyela, ngobe loko kusinengiso kuSimakadze.
Aniyikuletsa imali yengwadla lensikati nome lendvuna endlini yaSimakadze Nkulunkulu wenu kutsi itekwenta ngayo setsembiso nome ngabe sani, ngobe Simakadze Nkulunkulu wenu ubenyanya bobabili.
“ ‘Ucalekisiwe umuntfu lobata sitfombe nome ente sithico, intfo lesinengiso kuSimakadze, umsebenti wengcweti yetekubata ngetandla, akubeke ngasense endzaweni lesitsekile.’ “Bonkhe bantfu bayawuphendvula batsi: ‘Amen.’
Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.
Naku-ke lenitakwenta kuto: Bhidlitani emalati ato, nephule netinsikamatje tato lekutsiwa tingcwele, nijube tinsika tato tabo-Ashera losithicokati sabo, nishise netithico tato ngemlilo.
Kodvwa ema-Israyeli ona, atsatsa tintfo lokwakufanele tibhujiswe. Akhani, umsa waKhami, umsa waZabdi labenguZimri, umsa waZera, wesive sakaJuda, watsatsa letinye tato. Ngako lulaka lwaSimakadze lwasivutsela sive sema-Israyeli.
Ngatsi nangibuka imphango, ngabona ingubo lenhle yaseBhabhulona, kanye netinhlavu tesiliva letingemakhilogremu langaba mabili, nelucetu lwegolide lolungaba yincenye yekhilogremu, lengakuhawukela, ngase ngiyakutsatsa. Tonkhe letintfo ngitimbele phansi ngekhatsi ethendeni lami, lesiliva yona ingaphansi kwato.”
Ebuntini lakhe kwakubhalwe libito leliyimfihlakalo litsi: “IBhabhulona lenkhulu, unina wetingwadla nemanyala emhlaba.”