Dutheronomi 6:22 - Siswati 1996 Bible

Satibonela tsine ngewetfu emehlo Simakadze enta tibonakaliso netimanga letesabekako naletinkhulu eGibhithe kuFaro nasemndenini wakhe wonkhe.

Dutheronomi 6:22 Referencias Cruzadas

Tihlabelelo 135:9

Watfumela tibonakaliso netimangaliso, emkhatsini wakho, wena Gibhithe, wamelana naFaro kanye netinceku takhe tonkhe.

Tihlabelelo 136:4

Nguye yedvwa lowenta timangaliso letinkhulu, ngobe umusa wakhe ume kuze kube phakadze.

Tihlabelelo 91:8

Uyawubuka nje kuphela ngemehlo akho, ubone kujeziswa kwalababi.

Eksodusi 10:2

khona nitekwati kutjela bantfwabenu nebatukulu benu kutsi emaGibhithe ngake ngawenta tilima kanjani ngekwenta letibonakaliso tami emkhatsini wawo. Nonkhe niyawungati kutsi nginguSimakadze.”

Eksodusi 3:20

Ngiyakwelula sandla sami ngishaye iGibhithe ngetinhlupheko letinyenti lengiyawutenta kuyo. Emvakwaloko-ke uyawube sewuyanivumela kutsi nihambe.

Dutheronomi 1:30

Simakadze Nkulunkulu wenu, lohamba embikwenu, utanilwela njengobe enta eGibhithe embikwenu nibuka,

Dutheronomi 3:21

“Ngaso leso sikhatsi ngayala Joshuwa, ngatsi: ‘Nawe utibonele ngewakho emehlo konkhe loko Simakadze Nkulunkulu wakho lakwentile kulamakhosi lamabili; utakwenta njalo-ke kuyo yonkhe lemibuso lenisetakwewelela kuyo.

Dutheronomi 4:3

Natibonela ngemehlo enu loko lokwentiwa nguSimakadze eBhali Pheyori. Simakadze Nkulunkulu wenu wababhubhisa bonkhe labo bantfu bakini lababelandzela Bhali wasePheyori,

Dutheronomi 4:34

Sikhona yini sithico lesake setama kutikhetsela sive emkhatsini waletinye tive ngetivivinyo, nangetibonakaliso letimangalisako, nangetimangaliso, nangemphi, nangesandla lesinemandla, nangengalo leyelulekile nome ngetento letinkhulu naletimangalisako, njengato tonkhe letintfo Simakadze Nkulunkulu wenu latenta kini eGibhithe emehlweni enu nibuka?

Dutheronomi 6:21

uyawuphendvula utsi: ‘Sasitigcili taFaro eGibhithe, kodvwa Simakadze wasikhipha eGibhithe ngesandla sakhe lesinemandla.

Dutheronomi 6:23

Kodvwa wasikhipha lapho wasiletsa lapha, wasipha lelive laletsembisa ngekufunga kwakhe kubokhokho betfu.

Dutheronomi 7:19

Natibonela nine ngewenu emehlo timangaliso letinkhulu netibonakaliso, nesandla lesinemandla leseluliwe, Simakadze Nkulunkulu wenu lanikhiphe ngaso. Simakadze Nkulunkulu wenu utakwenta njalo kuto tonkhe tive lenitesabako nyalo.