Dutheronomi 4:35 - Siswati 1996 Bible

“Letintfo natikhonjiselwa kutsi nati kutsi Simakadze unguNkulunkulu; ngaphandle kwakhe kute lomunye.

Dutheronomi 4:35 Referencias Cruzadas

2 Samuweli 22:32

Kambe nje ngubani longuNkulunkulu ngaphandle kwaSimakadze? Ngubani lolidvwala ngaphandle kwaNkulunkulu wetfu?

2 Samuweli 7:22

“Maye, wena umkhulu! Awu! Nkhosi, Simakadze! Kute lonjengawe, futsi kute Nkulunkulu ngaphandle kwakho, njengobe tsine sativela ngetindlebe tetfu.

1 Emakhosi 8:60

kuze phela tonkhe tive temhlaba tati kutsi Simakadze nguNkulunkulu, futsi kute lomunye.

2 Emakhosi 19:19

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

1 Tikhronike 17:20

“Kute lonjengawe, Simakadze! Futsi kute Nkulunkulu ngaphandle kwakho, njengobe tsine sativela ngetindlebe tetfu.

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 58:11

Bantfu batabe sebatsi: “Ngempela lolungile uyavuzwa, ngempela ukhona Nkulunkulu lowehlulela emhlabeni.”

Tihlabelelo 83:18

Shangatsi bangati kutsi nguwe wedvwa lolibito lakhe linguSimakadze, nguwe Losetikwako Konkhe, lophakeme abuse umhlaba wonkhe.

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Eksodusi 8:10

Faro wamphendvula watsi: “Kusasa.” Mosi watsi: “Kulungile, nkhosi, kutakwenteka njengobe ufuna, kuze wati kutsi kute lofanana naSimakadze longuNkulunkulu wetfu.

Eksodusi 8:6

Ngako-ke Aroni wayengamisa etikwemanti aseGibhithe. Tigogodvolo taphuma tananabuka nalo lonkhe live laseGibhithe.

Eksodusi 9:14

Ngobe manje letishayo ngitatitfumelela kuletiphatsimandla takho nakubantfu bakho ngicedze ngendlulele kuwe imbala, khona utekwati kutsi kute lofanana nami emhlabeni wonkhe jikelele.

Isaya 43:10

Simakadze utsi: “Nine ma-Israyeli, nibofakazi bami kanye nenceku yami lengiyikhetsile, kuze nitewukwati nikholwe kimi, nicondze nekutsi mine Nginguye. Ngaphambi kwami kute nkulunkulu lowake wabunjwa, futsi kute loyawubuye abe khona emvakwami.

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 44:8

Ningatfutfumeli, ningesabi. Angizange ngikumemetele yini loku, ngakhuluma ngako kungakenteki kadzeni? Nine nibofakazi bami. Kukhona yini lomunye Nkulunkulu ngaphandle kwami? Cha, kute lelinye Lidvwala, kute nalinye lengilatiko.”

Isaya 45:18

Ngobe naku lokushiwo nguSimakadze, lowo lowadala emazulu, unguNkulunkulu, lowo lowadala wabumba umhlaba, wawusekela; akazange awudalele kutsi ubete lutfo, kodvwa wawubumbela kutsi uhlale bantfu, utsi: “NginguSimakadze, kute lomunye.

Isaya 45:22

“Buyani kimi, nisindziswe, nonkhe nine mikhawulo yemhlaba; ngobe nginguNkulunkulu, futsi kute lomunye.

Isaya 45:5

NginguSimakadze, futsi kute lomunye, ngaphandle kwami kute Nkulunkulu; ngiyawukuhlomisa, wena ungakangemukeli nje,

Makho 12:29

Jesu wasiphendvula watsi: “Wekucala utsi: ‘Lalelani, nine baka-Israyeli, iNkhosi Nkulunkulu wetfu, iNkhosi yinye.

Makho 12:32

Lesati satsi kuye: “Ucinisile, Mfundzisi, ushito kahle kutsi Nkulunkulu munye, futsi kute lomunye ngaphandle kwakhe.

1 kubaseKorinthe 8:4

Ngako-ke macondzana nekudla kudla lokuhlatjelwe tithico siyati kutsi: “Kute sithico lesiphilako,” nekutsi: “Nkulunkulu munye kuphela, kute lomunye.”

1 kubaseKorinthe 8:6

noko kitsi kukhona Nkulunkulu munye, Babe, lokuvela kuye konkhe, natsi sikhonela yena. INkhosi yinye, nguJesu Khristu, lokuvela ngaye konkhe, natsi lesiphila ngaye.

Dutheronomi 32:12

NguSimakadze kuphela lowamhola; kwakute namunye nkulunkulu wetive labenaye.

Dutheronomi 32:23

“ ‘Ngiyawubutsisa tehlakalo etikwabo ngibafumbe ngemicibisholo yami.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

Dutheronomi 33:26

“Kute lonjengaNkulunkulu, Jeshuruni, logibela emazulu kuze atewusita wena, agibele nemafu ngebukhosi bakhe.

Dutheronomi 4:39

“Ngako khumbulani ningaphindzi nikhohlwe kusukela lamuhla kutsi Simakadze unguNkulunkulu, ezulwini etulu nasemhlabeni phansi. Kute lomunye.

Dutheronomi 6:4

“Lalelani, ma-Israyeli, Simakadze Nkulunkulu wetfu nguye yedvwana longuSimakadze.

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

1 Samuweli 2:2

“Kute longcwele njengaSimakadze, kute nalomunye ngaphandle kwakho, kute lidvwala lelinjengaNkulunkulu wetfu.