Dutheronomi 4:32 - Siswati 1996 Bible

“Phenyisisani ngalokwenteka emalangeni akadzeni nisengakatalwa, kusukela ngelilanga Nkulunkulu ladala ngalo umuntfu emhlabeni; phenyisisani kusukela ngale kwemazulu kuye ngale kwawo. Intfo lenkhulu kangaka yake yenteka yini nome intfo lenjengayo yake yevakala yini?

Dutheronomi 4:32 Referencias Cruzadas

Genesisi 1:27

Ngako Nkulunkulu wadala umuntfu waba ngumfanekiso wakhe; wamdala waba ngumfanekiso waNkulunkulu: wabadala, lomdvuna nalomsikati.

2 Samuweli 7:23

Kona ngubani nje lonjengesive sakho, ema-Israyeli, sive lekukuphela kwaso emhlabeni Nkulunkulu lowaphuma wayakusikhulula kutsi sibe sive sakhe, atakhele libito lelikhulu, watakwenta timangaliso letinkhulu naletishacisako ngekudvungulula tive ngetive kanye nabonkulunkulu bato embikwesive sakho lowasikhulula eGibhithe?

Jobe 8:8

“Buta titukulwane takucala, uvisise kuto kutsi boyisemkhulu babefundzani,

Tihlabelelo 44:1

Yebo, Nkulunkulu! Sivile ngetindlebe tetfu bokhokho nabasitekela, tintfo lewawutenta ngemalanga abo, ngemalanga asendvulo.

Eksodusi 34:10

Simakadze wakhuluma kuMosi, watsi: “Ngenta sivumelwane-ke manje. Ngitakwenta imimangaliso embikwaso sonkhe sive sakho, lengazange seyentiwe emhlabeni nome ngukusiphi sive. Tonkhe tive lohlala emkhatsini wato tiyawubona tintfo letinkhulu letitakwentiwa ngimi, mine Simakadze, ngobe ngitanentela tintfo letesabekako emehlweni ato.

Isaya 45:12

Ngimi lowenta umhlaba, ngadala nebantfu bonkhe labahlala kuwo. Tandla tami taweneka emazulu, ngalawula nemabutfo awo etinkhanyeti.

Joweli 1:2

Lalelani naku, nine baholi, nani nonkhe lenihlala kulelive. Kwase kwenteka yini loku ngetikhatsi tenu nome ngetikhatsi taboyihlomkhulu?

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Matewu 24:31

Iyawutfumela tingilosi tayo ngekukhala lokukhulu kwelicilongo, tibutse bonkhe labakhetsiwe bayo emagumbini omane emhlaba, kusukela emkhawulweni lomunye welizulu kuze kube kulomunye.”

Makho 13:27

Iyawutfumela tingilosi tayo kutsi tiyewubutsa labo labakhetsiwe bayo emimoyeni yomine, nasemikhawulweni yonkhe yemhlaba.”

Dutheronomi 28:64

“Simakadze uyakunisakatela emkhatsini wato tonkhe tive, kusuka ngala kwemhlaba kuye ngale kwawo. Lapho-ke niyawukhonta labanye bonkulunkulu labentiwe ngelugodvo, nangelitje, leningazange senibati nine ngisho nabokhokho benu imbala.

Dutheronomi 30:4

Nome ngabe abenisakatele etiveni letikhashane ekugcineni kwemhlaba ngaphansi kwelizulu, khona lapho Simakadze Nkulunkulu wenu uyawuphindze anibutsele ndzawonye anibuyise.

Dutheronomi 32:7

“Khumbulani tikhatsi tasemandvulo, cabangani ngetitukulwane lese tendlula kadzeni. Buta kuboyihlo, batakunitjela, nakubo labadzala, batawunichazela.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

Dutheronomi 4:7

“Ngusiphi nje lesinye sive lesikhulu lesinabonkulunkulu labasedvute naso, njengaSimakadze Nkulunkulu wetfu lohlala asedvute natsi njalo nje nasithandaza kuye?