Kodvwa Jehu akazange acaphele kunakekela umtsetfo waSimakadze, Nkulunkulu wema-Israyeli, ngayo yonkhe inhlitiyo yakhe. Akazange aphendvuke etonweni taJerobowamu labedvonsele ngato sive sema-Israyeli ekoneni.
Dutheronomi 4:29 - Siswati 1996 Bible Kodvwa khona lapho nanifuna Simakadze Nkulunkulu wenu, niyawumtfola nanimfunisisa ngenhlitiyo yenu yonkhe nangemphefumulo wenu wonkhe. |
Kodvwa Jehu akazange acaphele kunakekela umtsetfo waSimakadze, Nkulunkulu wema-Israyeli, ngayo yonkhe inhlitiyo yakhe. Akazange aphendvuke etonweni taJerobowamu labedvonsele ngato sive sema-Israyeli ekoneni.
Inkhosi yema eceleni kwensika yavusetela sivumelwane embikwaSimakadze, yavuma kulandzela Simakadze nekugcina imiyalo yakhe, nemitsetfo yakhe kanye netimiso takhe ngayo yonkhe inhlitiyo yayo nangawo wonkhe umphefumulo wayo, ngaloko yacinisa kwemukela emavi esivumelwane labhalwe kulencwadzi. Bonkhe bantfu batifaka kuleso sivumelwane.
Bangena esivumelwaneni sekufuna Simakadze, Nkulunkulu waboyise, ngenhlitiyo yabo yonkhe nangemphefumulo wabo wonkhe.
Bonkhe bakaJuda basijabulela lesifungo, ngobe babesifunge ngenhlitiyo yabo yonkhe. Bafunisisa Simakadze, bamtfola. Ngako Simakadze wabanika kuphumula ndzawana tonkhana.
Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.
Kodvwa ekuhluphekeni kwabo bancandzeka babuyela kuSimakadze, Nkulunkulu wema-Israyeli, bamfuna bamtfola.
Kuko konkhe lakwenta emsebentini welithempeli laNkulunkulu nekuhlonipha umtsetfo, nemiyalo, wafuna Nkulunkulu wakhe, asebenta ngayo yonkhe inhlitiyo yakhe. Ngako waphumelela.
kodvwa naniphendvuka nibuyela kimi, nigcine imiyalo yami niyente, nome ngabe labo labatfunjiwe benu bakhashane kangakanani, ngiyawubabutsa khona lapho ngibabuyisele kuyona lendzawo lengayikhetsela kutsi kuhlale khona Libito lami.’
Ngako wabanikela etandleni tetitsa tabo letabacindzetela. Kodvwa batsi nase bacindzetelekile, bakhala kuwe. Watsi usezulwini lakho wabeva, ngesihawu sakho lesikhulu wabatfumelela bakhululi lababalamulela babasindzisa esandleni setitsa tabo.
Ngikufuna ngayo yonkhe inhlitiyo yami, shangatsi ngingete ngaphambuka emiyalweni yakho.
Ngikhala kuwe ngayo yonkhe inhlitiyo yami, ngiphendvule, Simakadze; ngiyawutigcina timiso takho.
Babusisiwe labo labagcina imiyalo yaSimakadze, bamfunisise ngayo yonkhe inhlitiyo yabo.
Buso bakho ngibufune ngayo yonkhe inhlitiyo yami. Bani nemusa kimi ngekwesetsembiso sakho.
Ngetulu kwako konkhe loko, dzadzewabo longetsembeki, Juda, akazange abuyele kimi ngayo yonkhe inhlitiyo yakhe, kodvwa kwaba ngekutentisa nje,” kusho Simakadze.
“Nine leniphunyulile enkembeni, hambani ningabe nisalibala! Khumbulani Simakadze, niseveni lelikhashane, nicabange ngeJerusalema.”
Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.
Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”
“Manje-ke, ma-Israyeli, yini lokufunwa nguSimakadze Nkulunkulu wenu kini ngaphandle kwekutsi nesabe Simakadze Nkulunkulu wenu, nihambe etindleleni takhe tonkhe, nimtsandze nimkhonte Simakadze Nkulunkulu wenu ngenhlitiyo yenu yonkhe, nangemphefumulo wenu wonkhe,
“Nangabe niyayilalela imiyalo lengininika yona lamuhla, nitsandze Simakadze Nkulunkulu wenu, nimkhonte ngayo yonkhe inhlitiyo yenu, nangawo wonkhe umphefumulo wenu,
“Lamuhla Simakadze Nkulunkulu wenu uyaniyala kutsi nitigcine tonkhe letimiso nalemitsetfo. Kufanele niyicaphelisise ngayo yonkhe inhlitiyo yenu, nangawo wonkhe umphefumulo wenu.
Loko-ke kuyakwenteka nanilalela Simakadze Nkulunkulu wenu, nigcine yonkhe imiyalo yakhe netimiso takhe njengobe tibhalwe kulencwadzi yemtsetfo, niphendvukele kuSimakadze wenu, ngayo yonkhe inhlitiyo yenu, nangawo wonkhe umphefumulo wenu.
Tsandza Simakadze Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangawo onkhe emandla akho.
Kodvwa nibocaphelisisa kutsi niyayigcina imiyalo nemtsetfo Mosi, inceku yaSimakadze, laninika yona: kutsandza Simakadze Nkulunkulu wenu, nekuhamba kuto tonkhe tindlela takhe, nekulalela imiyalo yakhe, nekunamatsela kuye, kanye nekumkhonta ngenhlitiyo yenu yonkhe nangemphefumulo wenu wonkhe.”
Samuweli wakhuluma esiveni sonkhe saka-Israyeli, watsi: “Naniphendvukela kuSimakadze ngayo yonkhe inhlitiyo yenu, kufanele nitisuse tonkhe letithico tebetive kanye nabo-Ashtarothe benu, bese nitinikela kuSimakadze nikhonte yena yedvwa, yena-ke utawube sewuyanikhulula esandleni semaFilisti.”