Dutheronomi 4:11 - Siswati 1996 Bible

“Nasondzela edvute nema ngephansi kwentsaba naloku yayivutsa emalangabi emlilo lowawufikela esibhakabhakeni, unemafu lamnyama nentfutfu leyesabekako.

Dutheronomi 4:11 Referencias Cruzadas

2 Samuweli 22:10

Wabhobosa emazulu, wehlela phansi. Emafu lamnyama abengaphansi kwetinyawo takhe.

1 Emakhosi 19:12

Emvakwaloko kutamatama kwemhlaba kwefika umlilo, kodvwa Simakadze abengekho kulowo mlilo. Kwatsi emvakwemlilo kwevakala liphimbo lelincane lelalikhulumela phansi.

Tihlabelelo 18:11

Wenta bumnyama baba yingubo yakhe, watungeletwa ngemafu lahlomile, lamnyama.

Tihlabelelo 97:2

Emafu lamnyama amtungeletile, kulunga nebucotfo sisekelo lamise kuso sihlalo sakhe sebukhosi.

Eksodusi 19:9

Simakadze wakhuluma kuMosi, watsi: “Ngitakwehla ngibesefini lelimnyama, khona bantfu batewungiva nangikhuluma nawe, bese bayakwetsemba njalo.” Mosi wase ukutjela Simakadze konkhe lokwakukhulunywe bantfu.

Dutheronomi 4:12

Simakadze wakhuluma asekhatsi emlilweni, nakuva kudvuma kwemavi, kodvwa anizange nisibone simo sakhe, kwakulivi nje.

Dutheronomi 5:23

“Natsi naniliva lelivi likhuluma ebumnyameni, intsaba isavutsa umlilo, onkhe emadvodza labaholi betive tenu netikhulu tenu teta kimi.