Dutheronomi 32:8 - Siswati 1996 Bible

Ngesikhatsi Losetikwako Konkhe abela tive emafa ato, mhlazana ehlukanisa tive ngetive wemisa iminyele yetive, kwaya ngebungako bemadvodzana a-Israyeli.

Dutheronomi 32:8 Referencias Cruzadas

Genesisi 10:15

Khenani watubula ngaSidoni, welamisa ngaHethi,

Genesisi 10:25

Ebheri watala emadvodzana lamabili. Lomunye kwakunguPhelegi, ngobe ngesikhatsi sakhe live ladzatjulwa. Umnakabo kwakunguJokthane.

Genesisi 10:5

Bavela kulabo-ke labantfu labahamba bayawuhlala emaveni langaselwandle. Babehlala ngemindeni yabo etiveni tabo, bakhuluma tilimi tabo emaveni abo.

1 Tikhronike 16:18

Watsi: ‘Wena ngiyakupha live laseKhenani leliyawuba sabelo lesilifa lakho.’

Jobe 15:19

labo labanikwa lelive kwabate wetive labendlula emkhatsini wabo, ngikutjela kona loko, ngitsi:

Tihlabelelo 115:16

Emazulu ayindzawo yaSimakadze, yena yedvwa, kodvwa umhlaba wawuniketela kubantfu.

Tihlabelelo 50:14

Nikela kuNkulunkulu umnikelo wekubonga, ugcine tetsembiso takho kuLosetikwako Konkhe.

Tihlabelelo 7:17

Simakadze ngiyawumbonga ngekulunga kwakhe, ngihlabelele ngekudvumisa libito laSimakadze Losetikwako Konkhe.

Tihlabelelo 74:17

Nguwe lowenta yonkhe iminyele yemhlaba, nguwe lowenta lihlobo nebusika.

Tihlabelelo 82:6

Ngatsi kini: ‘Nibonkulunkulu nine; nonkhe ningemadvodzana aLosetikwako Konkhe.’

Tihlabelelo 91:1

Lowo lohlala ekusitsekeni kuLosetikwako Konkhe ukhosele ekhwapheni laSomandla.

Tihlabelelo 92:8

Kodvwa wena, Simakadze, uphakeme phakadze naphakadze.

Isaya 14:14

Ngiyakwenyukela ngetulu kweticongo temafu. Ngiyawutenta ngifanane naNkulunkulu Losetikwako Konkhe.’

Danyela 4:17

“ ‘Sincumo simenyetelwa titfunywa; labangcwele bamemetela sigwebo, kuze kutsi labaphilako bati kutsi Longetulu Kwako Konkhe wengamele yonkhe imibuso yebantfu, futsi uyinika nome ngubani latsandza kumupha yona, bese ubeka etikwayo labo labatfobeke kakhulu kunabo bonkhe bantfu.’

Danyela 5:18

“Nkhosi, Nkulunkulu Longetulu Kwako Konkhe wapha uyihlo Nebukhadnezari bukhosi, nebukhulu, neludvumo kanye nebukhatikhati.

Mikha 2:5

Ngako-ke nasesifikile sikhatsi sekutsi live libuyiselwe esiveni saNkulunkulu, kute namunye wenu loyawuba nesabelo kulo.

Numeri 23:9

Ngiyababona loku ngilapha esicongweni sentsaba lesilidvwala. Yebo, ngiyababona loku ngilapha etulu ekuphakameni, ngibasinga umkhanya. Ngababona basive lesitihlalela sodvwa, sitehlukanise naletinye tive.

Numeri 24:16

Umlayeto walowo lova emavi aNkulunkulu, lowo lonelwati loluvela kuLosetikwako Konkhe, lowo lobona umbono waSomandla, lowo lokhotsamako, lonemehlo lavulekile.

Imisebenti yebaPhostoli 17:26

Wenta tonkhe tive ngamuntfu munye kutsi tihlale ebusweni bonkhe bemhlaba, wemisa tikhatsi tekuphakama netekwehla kwato kanye nemikhawulo lapho kufanele tigcine khona.

Imisebenti yebaPhostoli 7:48

Kodvwa loNkulunkulu Losetikwako Konkhe akahlali etindlini letakhiwe ngetandla, njengekusho kwemphrofethi lotsi:

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.