Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”
Dutheronomi 32:43 - Siswati 1996 Bible Jabulani nine tive kanye nesive sakhe, ngobe uyawutiphindzisela ngengati yetinceku takhe. Uyawutiphindzisela etitseni takhe, ente inhlawulo yekubuyisana nelive lakhe nesive sakhe. |
Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”
ubobe sewuyeva usezulwini, indzawo yakho yekuhlala, wente konkhe loko wetive lakucelako kuwe. Loko kuyakwenta kutsi tonkhe tive temhlaba tilati Libito lakho tikwesabe, njengobe kwenta sive sakho ema-Israyeli, tati nekutsi lendlu lengiyakhile ibitwa ngeLibito lakho.
Ufanele ubhubhise indlu yaka-Ahabi, inkhosi yakho; ngitawukhipha sibhongo sengati yetinceku tami, baphrofethi, nengati yato tonkhe tinceku taSimakadze leyacitfwa nguJezebeli.
Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,
Labalungile bayawujabula nababona kuphindziselwa kwalababi, bayawuklabhuta ngetinyawo tabo engatini yalababi.
Betive basholani kutsi: “Uphi-ke loNkulunkulu wabo?” Shangatsi kuphindzisela kwakho singakubona kwenteka kulabo labacitse ingati yetinceku takho.
Sisite, Nkulunkulu wensindziso yetfu, sisite ngenca yenkhatimulo yelibito lakho, sihlenge usitsetselele tono tetfu, ngenca yelibito lakho lelihloniphekile.
Ngako-ke iNkhosi Simakadze lenguSomandla, lowo longuMnikati Wemandla waka-Israyeli utsi: “Awu, ngitake ngiphumule etitseni tami, ngitiphindzisele kulabangitondzako.
Ngitawugucula sandla sami, ngimelane nani, ngitawacengisisa onkhe emanyela enu, ngisuse konkhe kungcola kwenu.
Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.
Ngalelo langa kuyawuba nemgwaco losuka eGibhithe uye e-Asiriya. Base-Asiriya bayakuya eGibhithe, nebaseGibhithe bayakuya e-Asiriya. Bantfu baseGibhithe nebase-Asiriya bayakukhonta ndzawonye.
Simakadze longuSomandla uyawubabusisa, atsi: “Ayibusiswe iGibhithe, sive sami, ne-Asiriya lengumsebenti wetandla tami, na-Israyeli lolifa lami.”
Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”
Imihlambi yemakamela iyawugcwala eveni lakho, emakamela lamancane akaMidiyani newase-Efa. Bonkhe baseSheba bayawuta, betfwele igolide nemphepho, bamemetela ludvumo lwaSimakadze.
“Tfokotani kanye neJerusalema, niyitsakasele, nonkhe nine leniyitsandzako, jabulani nayo kakhulu, nonkhe nine leniyililelako.
Ngitabashayanisa lomunye kulomunye, boyise nemadvodzana ngalokufananako, kusho Simakadze. Ngingeke ngisivumele sihe nome sihawu nome luvelo kutsi kungivimbele ngingababhubhisi.’ ”
Ngako-ke, naku lokushiwo nguSimakadze, utsi: “Buka la, ngiyakuyivikela indzaba yakho, ngikubuyiselele; ngiyakomisa lwandle lwelive lemaBhabhulona ngente imitfombo yalo yome.
Simakadze unjengesitsa; umgwinyile Israyeli. Ugwinye tonkhe tigodlo takhe, wabhubhisa tinqaba takhe. Wandzise kulila nekukhala kabuhlungu kuyo iNdvodzakati yakaJuda.
Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”
Ngiyawukhiphela sibhongo etikwa-Edomu ngesandla sesive sami ema-Israyeli, i-Edomu bayakuyiphatsa ngendlela lefanele intfukutselo yami nelulaka lwami; bayakuyati imphindziselo yami, kusho iNkhosi Simakadze.’ ”
Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”
Bazalwane bami, ningatiphindziseleli, kodvwa yekelelani konkhe elulakeni lwaNkulunkulu; ngobe kubhaliwe kutsi: “Kuphindzisela ngekwami, mine ngiyawubuyisela, kusho iNkhosi.”
Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”
Ngabona shangatsi lwandle lolusangilazi, luhlanganiswe nemlilo. Labo lababehlule silo, nemfanekiso waso, nenombolo yelibito laso, babeme ngakulo lolwandle lolusangilazi, baphetse emahabhu aNkulunkulu etandleni tabo.
Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”
Yamemeta ngelivi lelikhulu yatsi: “Iwile, yebo, iwile iBhabhulona lenkhulu! Seyigucuke yaba likhaya lemadimoni, nesihhehle sekubhaca bonkhe bomoya lababi, nesato tonkhe tinyoni letingcolile naletenyanyekako.
Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!
ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”
Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”