Dutheronomi 32:19 - Siswati 1996 Bible

“Simakadze wakubona loko, wabalahla, ngobe abetfukutseliswe ngemadvodzana nemadvodzakati akhe.

Dutheronomi 32:19 Referencias Cruzadas

Tihlabelelo 10:3

Lomubi utigabatisa ngetinkhanuko takhe; uyamtusa lohlazisako, yebo, lomubi wedzelela Nkulunkulu.

Tihlabelelo 106:40

Ngako-ke intfukutselo yaSimakadze yasivutsela sive sakhe, loko lokulifa lakhe kwaba sinengiso kuye.

Tihlabelelo 5:4

Ngobe wena, Simakadze, unguNkulunkulu longakutsandzi lokubi, lomubi angeke akhone kuhlala nawe.

Tihlabelelo 78:59

Watsi nakuva loko Nkulunkulu, watfukutsela, wabalahla baka-Israyeli.

Tihlabelelo 89:38

Kodvwa manje sewumlahlile wamala, wamtfukutselela logcotjiwe wakho.

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Jeremiya 11:15

“Lotsandzekako wami wentani ethempelini lami, ngesikhatsi enta emacebo akhe ebubi nalabanyenti? Inyama lenikelwe ingasijikisa yini sijeziso sakho? Nase wenta bubi bakho uyajabula.”

Jeremiya 40:2

Kwatsi lendvuna yabomahlalesangweni nayimtfola Jeremiya, yakhuluma kuye, yatsi: “Simakadze longuNkulunkulu wakho wakhipha livi kutsi lendzawo yehlelwe ngulesigemegeme.

Sililo 2:6

Indzawo yakhe yekuhlala uyicitse njengelidlangala lasensimini, uyibhubhisile indzawo yakhe yekuhlangana. Simakadze wente iSiyoni yawakhohlwa emadzili ayo lemisiwe, nemaSabatha ayo. Ngentfukutselo yakhe ukudvube kokubili: inkhosi yayo nemphristi wayo.

Levithikusi 26:11

Ngiyawuhlala emkhatsini wenu ngisethendeni lekukhontela, ngingesuki kini.

Levithikusi 26:30

Ngiyawubhidlita tindzawo tenu tekukhontela, ngidzilite nemalati enu etimphepho, tidvumbu tenu ngitibutsisele ndzawonye etikwetithico tenu letite imphilo naletiwile; umphefumulo wami uyawunicansukela.

Amose 6:8

INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Zakhariya 11:8

Nganyanga yinye ngesusa labelusi labatsatfu. Umhlambi wangenyanya, nami ngadzinwa nguwo,

Sembulo 3:16

Njengobe usivuvu, ungacandzi ungashisi, ngitakukhafula emlonyeni wami.

Tikhulu 2:14

Intfukutselo yaSimakadze yabavutsela baka-Israyeli, wabanikela etandleni tebaphangi, tabaphanga. Wabanikela etandleni tetitsa tabo letatibatungeletile, bangabe basakwati ngisho nekutivikela kuto.