Dutheronomi 3:17 - Siswati 1996 Bible

Ngasenshonalanga lelive labo lalihamba lize liyewufika emfuleni iJordane, e-Arabha, lalisuka eKhinerethi lize liyewufika eLwandle lwase-Arabha, Lwandle Lweluswayi, ngaphansi kwemacele asePhisga.

Dutheronomi 3:17 Referencias Cruzadas

Genesisi 13:10

Loti watsi naphakamisa emehlo akhe, wabona litsafa lelinesihlambo semfula iJordane, linemanti lenele yonkhe indzawo, kuze kuyewufika eSowari; lalinjengensimi yaSimakadze nanjengelive laseGibhithe. Ngalesikhatsi Simakadze abesengakayibhubhisi iSodoma neGomora.

Genesisi 14:3

Onkhe lamakhosi ahlangana ndzawonye eTsafeni laseSidimu, lesekwaba Lwandle Lweluswayi.

2 Emakhosi 14:25

Nguye lowabuyisela iminyele yaka-Israyeli kusukela eLebo Hamathi kuye eLwandle lwase-Arabha, njengekusho kwelivi laSimakadze, Nkulunkulu wema-Israyeli, lalikhuluma ngenceku yakhe Jona, umsa wa-Amithayi, umphrofethi waseGathi Heferi.

Hezekeli 47:8

Yatsi kimi: “Lamanti lawa ageletela ngaseveni langasemphumalanga, ehle aze ayewufika eSigodzini saseJordane i-Arabha, lapho afike angene khona elwandle, emanti-ke lapho afike abe mnandzi.

Numeri 23:14

Ngako wamtsatsa wahamba naye baya etsafeni laseSofimu, etulu esicongweni sentsaba iPhisga, wefika lapho wakha emalati lasikhombisa, wanikela ngenkunzi nangesihhanca etikwalelo nalelo lati.

Lukha 5:1

Jesu bekeme elusentseni lwelwandle lwaseGenesaretha ngesikhatsi bantfu beta banyatselana batewuva livi laNkulunkulu.

Dutheronomi 4:49

lifake ekhatsi lonkhe live lase-Arabha ngasemphumalanga kweJordane, kuze kuyewufika eLwandle lwase-Arabha, ngaphansi kwemacele asePhisga.

Joshuwa 12:3

Waphindze wabusa emphumalanga ne-Arabha kusukela eLwandle iKhinerethi kuye eLwandle lwase-Arabha, lekuLwandle Lweluswayi, kuye eBhethi Jeshimothi, kwemuke kuye ngaseningizimu emaceleni eNtsaba iPhisga.

Joshuwa 13:27

nasetihosheni eBhethi Haramu, naseBhethi Nimra, naseSukhothi, naseSafoni nawo wonkhe umbuso waSihoni, inkhosi yaseHeshboni, ngasemphumalanga neJordane, live lelenyuka liyewugcina ngeLwandle lwaseKhinerethi.

Joshuwa 15:2

Umnyele walo wangaseningizimu wawusuka esikhunjini lesasingasekugcineni ngaseningizimu yeLwandle Lweluswayi,

Joshuwa 15:5

Umnyele wangasemphumalanga bekuLwandle Lweluswayi, kuze kuyewufika ekungeneni kwemfula iJordane. Umnyele wangasenyakatfo wawucala esikhunjini selwandle, ekungeneni kwemfula iJordane,

Joshuwa 18:19

Wawuhamba ucondze enyakatfo eceleni leBhethi Hogla, wendlulele esikhunjini lesingasenyakatfo neLwandle Lweluswayi, ekungeneni kwemfula iJordane ngaseningizimu. Lona-ke bekungumnyele lowawungaseningizimu.

Joshuwa 19:35

Emadolobha latinqaba kwaba yiSidimu, neSeri, neHamathi, neRakhathi, neKhinerethi,

Joshuwa 3:16

emanti labechamuka ngenhla kwabo ema tindvonga angabe asageleta. Ema aba tindvonga letindze letaze tefika edolobheni lekwakutsiwa yi-Adamu ngaseSarethani, kwatsi lawa labegeleta abheke entansi elwandle lwase-Arabha, Lwandle Lweluswayi, ancamuka. Ngako sive sonkhe sewela malungana neJerikho.