kodvwa ungasidli sitselo sesihlahla sekwati lokulungile nalokungakalungi, ngobe mhlazana usidla uyakufa nekufa.”
Dutheronomi 29:19 - Siswati 1996 Bible “Nangabe umuntfu lonjalo eva emavi alesifungo utincengela yena sibusiso kuye ngako angacabanga atsi: ‘Ngitawuphepha nome ngingachubeka ngitihambele ngeyami indlela.’ Loko kuyawehlisela sicalekiso emhlabatsini lomanti nakulowomile. |
kodvwa ungasidli sitselo sesihlahla sekwati lokulungile nalokungakalungi, ngobe mhlazana usidla uyakufa nekufa.”
kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.
Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”
Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.
Kodvwa bayawuphendvula batsi: ‘Akunamsebenti. Sitatichubekela ngemasu etfu, ngulowo nalowo wetfu utatichubekela ngenkhani yenhlitiyo yakhe lembi.’ ”
Ngalawo malanga iJerusalema bayawuyibita ngekutsi Sihlalo Sebukhosi SaSimakadze, tonkhe tive tiyawubutsana eJerusalema, tiyewuhlonipha Libito laSimakadze. Bangeke basayilandzela inkhani yetinhlitiyo tabo letimbi.
Umtjele futsi Jehoyakimu, inkhosi yakaJuda, utsi: ‘Naku lokushiwo nguSimakadze, utsi: Ushise lencwadzi legocotwako watsi: “Ubhaleleni kuyo kutsi inkhosi yaseBhabhulona ngempela iyawuta itewubhubhisa lelive, icotfule imbokodvo nesisekelo?”
Ngobe sengibabekele lokubi, hhayi lokuhle; emaJuda laseGibhithe ayawubhubha ngenkemba nangendlala, aze abhujiswe onkhe.
Kodvwa abazange balalele, futsi abanakanga nekunaka; esikhundleni saloko balandzela kutsambekela kwenkhani yetinhlitiyo tabo letimbi. Babuyela emuva, bangete baya embili.
kanye nebaphrofethi baka-Israyeli labaphrofetha kuyo iJerusalema, babona nemibono yekuthula kwayo, kube kona kungekho kuthula, kusho iNkhosi Simakadze.” ’ ”
Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,
“ ‘Nangabe nome ngumuphi um-Israyeli nome wetive lohlala ka-Israyeli lowehlukana nami afake tithico enhlitiyweni yakhe, emise litje lelibi lelisikhubekiso embikwakhe, bese uya kumphrofethi ayewubuta ngami, mine Simakadze ngiyakumphendvula mine cobo lwami.
Ngiyawubhekisa buso bami ngakulowo muntfu, ngimente abe sibonelo nentfo yekuhlekisa. Ngiyakumncuma esiveni sami. Ngulapho-ke niyawungati khona kutsi mine nginguSimakadze.
“ ‘Kodvwa umuntfu lowona ngemabomu, nome angewemdzabu nome angewetive, uyawuba nelicala lekungahloniphi Simakadze, uyawuncunywa esiveni sakubo.
Niyawutsi nanitibuka letimvakaza, bese nikhumbula yonkhe imiyalo yaSimakadze, niyilalele, khona ningetiwuba tingwadla ngekudvonswa tinkhanuko tetinhlitiyo tenu netemehlo enu.
ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.
Tibhidlita konkhe lokuphakamele kuvimbela kwati Nkulunkulu. Titfumba yonkhe imicabango, tiyente itfobele kulalela Khristu.
Ngako-ke ngiyasho, ngifakaza eNkhosini ngitsi, ningabe nisahamba njengalabanye betive labanemicondvo lengacabangi.
Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.
“Nangabe kulamadolobha Simakadze Nkulunkulu wenu latanipha wona niva kutsi kukhona indvodza nome lomsikati lowenta intfo lesinengiso kuSimakadze ngekwephula sivumelwane sakhe,
“Kodvwa nangabe ningamlaleli Simakadze Nkulunkulu wenu, ningayilandzeli ngekucophelela yonkhe lemiyalo yakhe netimiso takhe lengininika tona lamuhla, tonkhe leticalekiso tiyawukwehlela etikwenu tinehlule:
nime lapha, nimele kungena esivumelwaneni naSimakadze Nkulunkulu wenu lasenta nani lamuhla ngesifungo,
Caphelisisani kutsi kubete indvodza nome umfati, nome umndeni, nome sive emkhatsini wenu lamuhla, lonenhlitiyo lephambukako kuSimakadze Nkulunkulu wetfu kutsi ahambe ayewukhonta bonkulunkulu baleto tive. Caphelisisani kutsi kubete imphandze lembi emkhatsini wenu lengahle ivete shevu lobabako.
Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.