Dutheronomi 23:6 - Siswati 1996 Bible Ningacali nisente nabo sivumelwane sekuthula nekuvana nabo, yingci nanisaphila. |
nalabantfu bebalapho wabakhipha wabafaka emsebentini lababewenta ngemasaha, nangemapiki ensimbi, nangemazembe, wabafolomisa netitini. Konkhe loku wakwenta kuwo onkhe emadolobha ema-Amoni. Davide nawo onkhe emabutfo akhe base bayancandzeka babuyela eJerusalema.
Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”
Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.
Ngako-ke ningacali nivumele emadvodzakati enu kutsi atekwe ngemadvodzana ato, nemadvodzana enu angawateki emadvodzakati ato. Ningacali nome ngunini nitisekele emnotfweni wato, khona nitewucina nidle tintfo letimnandzi talelive, nilishiyele bantfwabenu kutsi litewuba lifa labo laphakadze naphakadze.’
Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”
Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”
Lulaka lwaBhalaki lwamvutsela kamatima Bhalamu, washaya tandla takhe, watsi kuye: “Ngikulandzele kutsi utewucalekisa titsa tami, kodvwa wena sewutibusise kwaze kwaba katsatfu.
Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.