Dutheronomi 22:6 - Siswati 1996 Bible

“Nawukhandza sidleke senyoni eceleni kwemgwaco nome sisesihlahleni nome phansi, nalonina afukamele lamacandza nome emazini, ungamkhokheli lonina kanye nalamazini akhe.

Dutheronomi 22:6 Referencias Cruzadas

Genesisi 32:11

Ngicela kutsi umane ungephule esandleni semnaketfu Esawu, ngobe ngiyamesaba, kutsi angahle angihlasele abulale bantfwana kanye nabonina.

Genesisi 8:17

Phuma kanye nato tonkhe tilwane letiphilako letinawe tayo yonkhe inhlobo: tinyoni, netifuyo, nato tonkhe tilwane letihamba ngesisu, khona titekwandza emhlabeni titalane tigcwalise umhlaba.”

Taga 12:10

Umuntfu lolungile uyatinakekela tifuyo takhe; kodvwa lomubi utiphatsa dlephu.

Hoseya 10:14

kudvuma kwemphi kuyawusuka kumelane nebantfu benu, khona kutewutsi tonkhe tinqaba tenu tibhidlitwe, njengobe Shalmani abhidlita iBhethi Abeli ngelilanga lemphi, mhlazana bomake baphihlitwa phansi emhlabatsini kanye nebantfwababo.

Levithikusi 22:28

Aniyiwunikela ngenkhomo nelinkhonyane layo, nome ngemvu nelizinyane layo, nome ngembuti nelizinyane layo kokubili ngalanga linye.

Lukha 12:6

“Boncedze labasihlanu ababiti emasenti lamabili yini? Noko Nkulunkulu akakhohlwa ngisho nome munye wabo.

Dutheronomi 22:5

“Lomsikati akukafaneli embatse timphahla temuntfu lomdvuna, kanjalo futsi nalomdvuna akufanele embatse timphahla talomsikati, ngobe lowenta loko usinengiso kuSimakadze Nkulunkulu wenu.