Dutheronomi 14:29 - Siswati 1996 Bible

kuze kutsi emaLevi late sabelo nome lifa lekungelawo, nebetive, netintsandzane, nebafelokati labahlala emadolobheni enu bangeta batekudla besutse, kuze Simakadze Nkulunkulu wenu anibusise kuko konkhe lenikwentako.”

Dutheronomi 14:29 Referencias Cruzadas

Tihlabelelo 41:1

Ubusisiwe umuntfu lonakekela lobutsakatsaka, Simakadze uyawumsindzisa ngelilanga lekuhlupheka.

Tihlabelelo 41:2

Simakadze uyawumlondvolotela imphilo yakhe; uyawumenta abe ngulonenhlanhla emhlabeni, angeke amnikele entsandvweni yetitsa takhe.

Tihlabelelo 94:6

Babulala bafelokati, netihambi, basontse netintsandzane, ngobe tite boyise.

Taga 11:24

Umuntfu lowephana ngemali yakhe wandzisa umcebo wakhe; lomunye uyemana, asuke agcine asaluphuya.

Taga 19:17

Lowo lopha lomphofu uboleka Simakadze; Simakadze uyakumvuza ngaloko lakwentile.

Isaya 1:17

nifundze kwenta lokulungile! Funani umtsetfocotfo, nikhutsate labacindzetelwe. Vikelani labo labate boyise, niyimele indzaba yemfelokati.”

Levithikusi 19:34

Umchamuki lohlala eveni lakini ubomphatsa njengemuntfu wakini. Umtsandze njengobe utitsandza wena, ngobe nani nake naba tihambi eveni laseGibhithe. NginguSimakadze.

Numeri 18:20

Simakadze wakhuluma ku-Aroni, watsi: “Wena uyawubate lifa eveni labo, kantsi uyawubate nesabelo njengabo. Ngimi lengisabelo sakho nelifa lakho esiveni sonkhe sema-Israyeli.”

Lukha 11:41

Kodvwa banikeni labaphuyile lokusetinkomishini nemapuledini enu, konkhe kutabe kuhlambulukile kini.

Lukha 6:35

Cha! Tsandzani titsa tenu nitentele lokuhle, nitjeleke ningabheki lutfo! Niyawuba nemvuzo lomkhulu ezulwini, nibe ngemadvodzana aLosetikwako Konkhe. Ngobe unemusa kulabangabongi nakulababi.

Dutheronomi 10:9

Ngiko nje emaLevi angenaso sabelo nome lifa emkhatsini wabomnakabo. Simakadze ulifa lawo, njengobe Simakadze Nkulunkulu wenu awatjela.

Dutheronomi 12:12

Tfokotani kuSimakadze Nkulunkulu wenu, nine nemadvodzana nemadvodzakati enu, netisebenti tenu letidvuna naletisikati, nemLevi lohlala kulelo dolobha lenu, njengobe yena ate sabelo nome lifa lelingelakhe.

Dutheronomi 14:27

“Ningawakhohlwa emaLevi lahlala emadolobheni enu, ngobe wona akanaso sabelo nome lifa.

Dutheronomi 15:10

Mupheni ngaphandle kwenhlitiyo lebubulako nalenemagcubu; ngobe ngenca yaloko Simakadze Nkulunkulu wenu uyawunibusisa emsebentini wenu wonkhe nakuko konkhe lenikwenta ngetandla tenu.

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Dutheronomi 16:14

Niyawujabula eMkhosini wenu nine, nemadvodzana nemadvodzakati enu, netigcili kanye netigcilikati tenu, nemaLevi, nebetive, netintsandzane, nebafelokati labahlala emadolobheni enu.

Dutheronomi 23:21

“Nawenta setsembiso kuSimakadze Nkulunkulu wakho, ungephutisi kutsi usifeze, ngobe Simakadze Nkulunkulu wakho uyakusibita kuwe kutsi usikhiphe, bese uba nelicala lesono.

Dutheronomi 28:8

“Simakadze uyakwehlisela sibusiso etikwetincolobane tenu nasetikwako konkhe leniyawukwenta ngetandla tenu. Simakadze Nkulunkulu wenu uyawunibusisa kulelo live lanipha lona.

Dutheronomi 6:11

tindlu letigcwele tonkhe tinhlobo tetintfo letinhle leningazange nite nato, nemitfombo leningazange niyimbe, netivini, nemasimi etitselo temncumo leningazange nitihlanyele, nitawutsi ningadla nesutse,

KumaHebheru 13:2

Ningakhohlwa kungenisa tihambi emakhaya enu, ngobe labanye ngekwenta njalo bangenisa tingilosi bangaketeleli.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.