Dutheronomi 10:21 - Siswati 1996 Bible

LoNkulunkulu nguye loludvumo lwenu, nguye lowanentela leto tintfo letinkhulu netimangaliso letesabekako, lenatibonela nine ngewenu emehlo.

Dutheronomi 10:21 Referencias Cruzadas

2 Samuweli 7:23

Kona ngubani nje lonjengesive sakho, ema-Israyeli, sive lekukuphela kwaso emhlabeni Nkulunkulu lowaphuma wayakusikhulula kutsi sibe sive sakhe, atakhele libito lelikhulu, watakwenta timangaliso letinkhulu naletishacisako ngekudvungulula tive ngetive kanye nabonkulunkulu bato embikwesive sakho lowasikhulula eGibhithe?

Tihlabelelo 109:1

Awu, Nkulunkulu lengimdvumisako, ungathuli ungibukelele.

Tihlabelelo 145:6

Bantfu bayawubabata bukhulu bemandla akho, nami ngibabate bukhulu bakho.

Tihlabelelo 148:14

Sive sakhe usivusele insindziso, kuze kudvunyiswe bonkhe labangcwele bakhe, lekusive saka-Israyeli, lesisedvute naye. Haleluya, dvumisani Simakadze!

Tihlabelelo 22:3

Wena ungcwele, indvumiso yema-Israyeli sihlalo sakho sebukhosi.

Eksodusi 15:2

Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.

Eksodusi 34:10

Simakadze wakhuluma kuMosi, watsi: “Ngenta sivumelwane-ke manje. Ngitakwenta imimangaliso embikwaso sonkhe sive sakho, lengazange seyentiwe emhlabeni nome ngukusiphi sive. Tonkhe tive lohlala emkhatsini wato tiyawubona tintfo letinkhulu letitakwentiwa ngimi, mine Simakadze, ngobe ngitanentela tintfo letesabekako emehlweni ato.

Isaya 60:19

Lilanga aliseyikuba kukhanya kwakho emini, ngisho nekukhanya kwenyeti kungeke kusakukhanyisela wena, ngobe Simakadze uyawuba kukhanya kwakho kwaphakadze, Nkulunkulu wakho abe ludvumo lwakho.

Isaya 64:3

Ngobe watsi nawenta tintfo letesabekako lesasingazange sitilindzele, wehla, tintsaba tatfutfumela embikwakho.

Jeremiya 17:14

Awu, Simakadze, ngelaphe, ngitawuphila, ngephule, ngitawusindziswa, ngobe nguwe lengimdvumisako.

Lukha 2:32

lekukhanya lokwembulelwe betive, neludvumo esiveni sakho saka-Israyeli.”

Joshuwa 24:18

Simakadze watidvungulula watikhipha tonkhe leto tive embikwetfu, ngisho nema-Amori labehlala kulelive. Natsi futsi sitamkhonta Simakadze, ngobe nguNkulunkulu wetfu.”

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.

1 Samuweli 12:24

Kodvwa nine cinisekani kutsi nesaba Simakadze, nikhonte yena ngekwetsembeka, ngayo yonkhe inhlitiyo yenu. Nikhumbule kutsi tinkhulu kanganani tintfo lanentela tona.