Solomoni walukhombisa lutsandvo lwakhe kuSimakadze ngekutsi ahambe ngetimiso teyise Davide, ngaphandle kwekutsi yena Solomoni abenikela ngemihlatjelo nangemphepho letfunciswa etindzaweni letiphakeme.
Dutheronomi 10:12 - Siswati 1996 Bible “Manje-ke, ma-Israyeli, yini lokufunwa nguSimakadze Nkulunkulu wenu kini ngaphandle kwekutsi nesabe Simakadze Nkulunkulu wenu, nihambe etindleleni takhe tonkhe, nimtsandze nimkhonte Simakadze Nkulunkulu wenu ngenhlitiyo yenu yonkhe, nangemphefumulo wenu wonkhe, |
Solomoni walukhombisa lutsandvo lwakhe kuSimakadze ngekutsi ahambe ngetimiso teyise Davide, ngaphandle kwekutsi yena Solomoni abenikela ngemihlatjelo nangemphepho letfunciswa etindzaweni letiphakeme.
Kodvwa Jehu akazange acaphele kunakekela umtsetfo waSimakadze, Nkulunkulu wema-Israyeli, ngayo yonkhe inhlitiyo yakhe. Akazange aphendvuke etonweni taJerobowamu labedvonsele ngato sive sema-Israyeli ekoneni.
Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.
Hezekiya wabambelela kuSimakadze, akazange ayekele kumlandzela, wayigcina yonkhe imitsetfo yaSimakadze labeyinike Mosi.
“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.
Bangena esivumelwaneni sekufuna Simakadze, Nkulunkulu waboyise, ngenhlitiyo yabo yonkhe nangemphefumulo wabo wonkhe.
Nabalalela bamkhonte yena, bayawuphila yonkhe imphilo yabo baphumelela neminyaka yabo beneliseka.
Babusisiwe labo labagcina imiyalo yaSimakadze, bamfunisise ngayo yonkhe inhlitiyo yabo.
Nanikhonta mine Simakadze longuNkulunkulu wenu, ngitawunibusisa ngekudla nangemanti, ngikususe konkhe kugula kwenu.
Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.
Bayawube sebalandzela timiso tami, banakekele kugcina imitsetfo yami. Bayawuba bantfu bami, mine ngibe nguNkulunkulu wabo.
Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.
“Tindzebe tetive ngiyawube sengiyatihlambulula-ke, kuze kutsi bonkhe lababite libito laSimakadze, bacela lusito kuye, bamkhonte bahlangene lihlombe ngelihlombe.
Jesu watsi kuye: “ ‘Uboyitsandza iNkhosi, Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcondvo yakho.’
Lendvodza yamphendvula yatsi: “Kufanele utsandze Nkulunkulu, iNkhosi yakho, ngenhlitiyo yakho yonkhe, nangemphefumulo wakho wonkhe, nangemandla akho onkhe, nangengcondvo yakho yonkhe; bese utsandza makhelwane wakho njengobe utitsandza wena.”
“Kodvwa maye kini, baFarisi! Ngobe nikhipha kwelishumi kwashaladi, napelepele, netinandzisi tonkhe nivilaphele kulunga nekutsandza Nkulunkulu; loko benifanele kukwenta ngaphandle kwekukuvilaphela loku.
Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.
Nkulunkulu lengimkhonta ngemoya wami wonkhe ngekushumayela liVangeli leNdvodzana yakhe ungufakazi wami wekutsi nginikhumbula kangakanani emithandazweni yami onkhe emalanga.
Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.
Wakhuluma kimi watsi: ‘Sukuma wehle uyewuhola lesive sitewuhamba singene silidle lelive lengafunga ngalo kubokhokho baso kutsi ngiyawubapha lona.’ ”
nigcine nemiyalo yaSimakadze kanye netimiso takhe lengininika tona lamuhla kutsi tibe lusito kini?
“Niyawutsandza Simakadze Nkulunkulu wenu nente konkhe lafuna kutsi nikwente, nilalele timiso takhe, nemitsetfo yakhe kanye nemiyalo yakhe ngaso sonkhe sikhatsi.
“Nangabe niyayilalela imiyalo lengininika yona lamuhla, nitsandze Simakadze Nkulunkulu wenu, nimkhonte ngayo yonkhe inhlitiyo yenu, nangawo wonkhe umphefumulo wenu,
“Lamuhla Simakadze Nkulunkulu wenu uyaniyala kutsi nitigcine tonkhe letimiso nalemitsetfo. Kufanele niyicaphelisise ngayo yonkhe inhlitiyo yenu, nangawo wonkhe umphefumulo wenu.
Lalelani Simakadze Nkulunkulu wenu, nilandzele yonkhe imiyalo yakhe netimiso takhe lengininika tona lamuhla.”
Ngiyaniyala lamuhla kutsi nitsandze Simakadze Nkulunkulu wenu, nihambe endleleni yakhe, nigcine imiyalo yakhe, netimiso takhe, nemitsetfo yakhe, lapho-ke niyawuphila nandze, bese Simakadze Nkulunkulu wenu uyanibusisa kulelo live leningena kulo kutsi libe lenu.
kuze nitsandze Simakadze Nkulunkulu wenu, nive liphimbo lakhe, ninamatsele kuye. Simakadze uyimphilo yenu, futsi uyakuninika iminyaka leminyenti kulelo live lalifungela kulinika bokhokho benu, bo-Abrahama, na-Isaka, naJakobe.”
Kodvwa khona lapho nanifuna Simakadze Nkulunkulu wenu, niyawumtfola nanimfunisisa ngenhlitiyo yenu yonkhe nangemphefumulo wenu wonkhe.
Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!
Hambani endleleni Simakadze Nkulunkulu wenu laniyale kutsi nihambe ngayo, khona nitewuphila nichume, netinsuku tenu tandze eveni lelitawuba lenu.”
khona kutewutsi nine, nebantfwabenu, nebantfwababo emvakwabo batekwesaba Simakadze Nkulunkulu wenu, yingci nanisagcina tonkhe timiso nemiyalo lengininika yona, khona nitewuva bumnandzi bekuphila imphilo lendze.
Simakadze wasiyala kutsi sihloniphe tonkhe letimiso nekutsi sesabe Simakadze Nkulunkulu wetfu, kuze sihlale sichuma njalo, njengobe kunjalo nalamuhla.
Tsandza Simakadze Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangawo onkhe emandla akho.
Empeleni injongo yemyalo wetfu kuvusetela lutsandvo loluphuma enhlitiyweni lemhlophe, nakunembeza lomsulwa, nasekukholweni lokute kutentisa.
Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;
Kodvwa nibocaphelisisa kutsi niyayigcina imiyalo nemtsetfo Mosi, inceku yaSimakadze, laninika yona: kutsandza Simakadze Nkulunkulu wenu, nekuhamba kuto tonkhe tindlela takhe, nekulalela imiyalo yakhe, nekunamatsela kuye, kanye nekumkhonta ngenhlitiyo yenu yonkhe nangemphefumulo wenu wonkhe.”
“Ngako yesabani Simakadze nimkhonte ngekwetsembeka konkhe. Balahleni bonkulunkulu bebakhontwa bokhokho benu ngesheya kweMfula, naseGibhithe, nikhonte Simakadze.
Ningalitsandzi live netintfo letiseveni. Nangabe umuntfu atsandza live, lutsandvo lwaBabe alukho kuye.
Ngubani umuntfu longancoba live ngaphandle kwalowo lokholwa kutsi Jesu uyiNdvodzana yaNkulunkulu?
Samuweli wabaphendvula watsi: “Ningesabi, nente bonkhe lobubi, kodvwa noko ningasaphambuki kuSimakadze, khontani Simakadze ngayo yonkhe inhlitiyo yenu.