Dutheronomi 1:38 - Siswati 1996 Bible

Kodvwa umsiti wakho, Joshuwa, umsa waNuni, utawungena kulo. Mkhutsate, ngobe utawuhola lama-Israyeli kutsi alidle.’

Dutheronomi 1:38 Referencias Cruzadas

Eksodusi 24:13

Mosi kanye nemsiti wakhe labenguJoshuwa batilungiselela; benyuka baya eNtsabeni yaNkulunkulu.

Eksodusi 33:11

Simakadze abekhuluma naMosi buso nebuso, njengemuntfu akhuluma nemngani wakhe. Mosi nasabuyele enkambu, lelibhungu lelalingumsiti wakhe, lelalinguJoshuwa, umsa waNuni, lalisala lingesuki kulelithende lekuhlangana.

Taga 22:29

Use wambona nje umuntfu loyingcweti emsebentini wakhe? Nguye lowo loyawusetjentiswa ngemakhosi, angeke aweswele nemsebenti.

Jeremiya 40:10

Mine-ke ngitawuhlala eMispa kutsi ngitewumelela nine kumaBhabhulona labeta lapha kitsi; kodvwa nine nitawuvuna liwayini, netitselo tasehlobo kanye nemafutsa, nikufake etitjeni tenu tekulondvolota, nihlale kulamadolobha leseniwatsetse.”

Numeri 13:16

Ngiwo lawa-ke emabito alamadvodza latfunywa nguMosi kutsi ayewuhlola lelo live. Mosi wetsa Hosheya, umsa waNuni, libito, watsi nguJoshuwa.

Numeri 13:8

esiveni saka-Efrayimu kwakunguHosheya, umsa waNuni;

Numeri 14:30

Kute nome munye wenu loyawungena kulelo live lengalifungela ngekuphakamisa sandla kutsi kutawuba likhaya lenu, ngaphandle kwaboKhalebi, umsa waJefune, kanye naJoshuwa, umsa waNuni.

Numeri 14:38

Emkhatsini walamadvodza laya kuyawuhlola lelive kwasala boJoshuwa, umsa waNuni, naKhalebi, umsa waJefune.

Numeri 26:65

Kungobe Simakadze abetjele ema-Israyeli kutsi nakanjani atawufela ehlane, ngako kwabate nome munye lowasala ngaphandle kwaboKhalebi, umsa waJefune, naJoshuwa, umsa waNuni.

Numeri 34:17

“Nankha-ke emabito alamadvodza latawunabela lelive kutsi libe lifa lenu: bo-Eleyazare, umphristi, naJoshuwa, umsa waNuni.

Dutheronomi 3:28

Kodvwa yala Joshuwa, umcinise umkhutsate, ngobe nguye lotakuhola lesive asewetele ngesheya kwemfula; nguye futsi lotabenta badle lelive lolibonako.’

Dutheronomi 31:14

Simakadze wakhuluma kuMosi, watsi: “Manje lilanga lakho selisondzele. Bita Joshuwa ute naye ethendeni lekuhlangana, lapho ngitamnikela khona imiyalo nangimbeka.” Ngako boMosi naJoshuwa beta ethendeni lekuhlangana.

Dutheronomi 31:23

Simakadze wanika lowo myalo kuJoshuwa, umsa waNuni, watsi: “Cina ube nesibindzi, ngobe nguwe lotawungenisa ema-Israyeli eveni lengabetsembisa lona ngesifungo, mine matfupha ngiyawuba nawe.”

Joshuwa 1:1

Emvakwekufa kwaMosi, inceku yaSimakadze, Simakadze wakhuluma naJoshuwa, umsa waNuni, labengumsiti waMosi, watsi:

Joshuwa 11:23

Ngako Joshuwa walidla lonkhe live, konkhe kwaya njengobe Simakadze abelayele Mosi; wase uyalaba, kwaba nguleso sive wasinika sabelo saso. Live latfola kuphumula kuleto timphi.

1 Samuweli 16:22

Sawula wabe sewutfumela ligama kuJese watsi: “Ngicela kutsi uvumele Davide kutsi asale asahlala lapha emsebentini wami, ngobe uyangijabulisa.”