Kodvwa Simakadze wabatsetsisa boMosi na-Aroni, watsi: “Njengobe ningakangikholwa kangangekutsi nize ningingcwelise, ningihloniphe embikwalesive sema-Israyeli, anisenawusihola lesive nize nisifikise eveni lengisiphe lona.”
Dutheronomi 1:37 - Siswati 1996 Bible Simakadze wangitfukutselela ngenca yenu, waze watsi kimi: ‘Nawe ungeke ungene kulo. |
Kodvwa Simakadze wabatsetsisa boMosi na-Aroni, watsi: “Njengobe ningakangikholwa kangangekutsi nize ningingcwelise, ningihloniphe embikwalesive sema-Israyeli, anisenawusihola lesive nize nisifikise eveni lengisiphe lona.”
Ngako-ke Simakadze wakhuluma kuMosi, watsi: “Tsatsa Joshuwa, umsa waNuni, indvodza lenaMoya, umbeke sandla.
Yenyuka uye esicongweni sentsaba iPhisga, ubukisise ngasenshonalanga, nangasenyakatfo, nangaseningizimu kanye nangasemphumalanga; lelive ulibukisise ngemehlo akho, ngobe wena ungeke usawewela umfula iJordane.
Kodvwa yala Joshuwa, umcinise umkhutsate, ngobe nguye lotakuhola lesive asewetele ngesheya kwemfula; nguye futsi lotabenta badle lelive lolibonako.’
“Manje sengimdzala sengineminyaka leli-120, futsi angisakhoni kuchubeka ngibe ngumholi wenu. Simakadze ukhulume kimi, watsi: ‘Ungeke uwewele umfula iJordane.’
Ngako, lelive utalibonela khashane; ngeke usangena kulelive lengilipha sive saka-Israyeli.”
Simakadze wase ukhuluma kuye utsi: “Leli-ke ngilo lelive lengaletsembisa ngesifungo kubo-Abrahama, na-Isaka, naJakobe, mhlazana ngitsi: ‘Ngiyawulipha titukulwane takho.’ Ngentela kutsi ulibone ngemehlo akho, kodvwa wena ungeke wewele kuyawungena kulo.”
“Simakadze wangitfukutselela ngenca yenu, waze wafunga kutsi ngingeke ngisawewela umfula iJordane ngingene eveni lelihle Simakadze Nkulunkulu wenu lanipha kutsi libe lifa lenu.
Ngitawufela kulelive ngingeke ngiwewele umfula iJordane, kodvwa nine seniyakwewelela ngesheya niyekudla lelive lelihle.