Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”
Dutheronomi 1:17 - Siswati 1996 Bible Ningacali nehlulele ngekukhetsa; lalelani lomkhulu nalomncane ngalokufananako. Ningesabi muntfu, ngobe kwehlulela kwaNkulunkulu. Licala lelilukhuni kini niboliletsa lapha kimi, ngitekuliva.’ |
Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”
Njengemanti lacitsekele phansi, angeke abutseke futsi, natsi kufanele sife. Kodvwa Nkulunkulu akabulali, esikhundleni saloko wenta tindlela letitsite, kuze kutsi umuntfu lodzingisiwe angahlali akhashane naye.
wabayala watsi: “Lenikwentako nibokucabangisisa, ngobe lomsebenti wekwehlulela leniwentako aniwenteli umuntfu kodvwa nentela Simakadze, lonani ngaso sonkhe sikhatsi nanikhipha sigwebo.
Ngempela, angizange ngesabe kutsi bantfu batawutsini, angizange ngibindze nome ngitivalele endlini ngenca yekubesaba labo bantfu.
“Kutawuze kube ngunini nehlulela ngalokungakalungi nikhetsa tindlubu nishiye tinkhobe? Cabanga.
Wena nalabantfu nitibulala ngemsebenti; ngobe lomsebenti lowentako mkhulu kakhulu kunawe kutsi ungawenta wedvwana.
Akube ngawo lafanele kuba behluleli ngato tonkhe tikhatsi. Tindzaba nemacala lamatima bangawaletsa kuwe, kodvwa wona afanele atijubele emacala abo lamancane. Ngako ngalendlela utakwetfwala kamalula, lamadvodza etfwalisane nawe.
Behlulela tindzaba tebantfu ngato tonkhe tikhatsi: Emacala lamatima bawaletsa kuMosi, kodvwa lamancane ancunywe ngibo.
Nati-ke futsi letinye taga talabahlakaniphile: Kubi nangabe umehluleli ehlulela ngekukhetsa.
Kubi kukhetsa bantfu; kodvwa labanye bayona ngekukhetsana ngenca yekudizelwa kancane nje.
“Tilungiselele! Sukuma ukhulume kubo konkhe loko lengikutfume kona. Ungabesabi, ngobe ngingahle ngikwetfuse lapha embikwabo.
“ ‘Ungehluleli ngekukhetsa, ngekulahla lomphofu ngelicala uvune lomkhulu, kodvwa mehlulele ngekulunga makhelwane wakho.
“Ngako-ke mine senginente nedzeleleka natfotjiswa embikwabo bonkhe bantfu, ngobe anikatilandzeli tindlela tami, kodvwa nine niyaye nikhetse bantfu nanisebentisa umtsetfo.”
Base batfumela kuye labanye bafundzi babo kanye nemalunga ephathi yemaHerodi. Befike batsi: “Mfundzisi, siyati kutsi wena uneliciniso, ufundzisa indlela yaNkulunkulu ngeliciniso, awunaki muntfu, ngobe awubuki buso bemuntfu.
Bafike batsi kuye: “Mfundzisi, siyati kutsi wena uneliciniso, awuwatsengi emehlo emuntfu ngobe awesatjiswa bunjalo bemuntfu. Ufundzisa indlela yaNkulunkulu ngeliciniso. Kulungile yini kukhipha umtselo kuKhesari, uMbusi wemaRoma, nome cha? Sifanele siwukhiphe yini nome singawukhiphi?”
Letimpimpi tase titsi kuJesu: “Mfundzisi, siyati kutsi awunaki simo semuntfu, kodvwa ufundzisa liciniso ngentsandvo yaNkulunkulu ngemuntfu.
Baphatsi, nani yentani njalo kuto tisebenti tenu, niyekele kutisongela, nati kutsi iNkhosi yenu neyato isezulwini, nekutsi yona ayikhetsi muntfu.
Ngobe Simakadze longuNkulunkulu wenu nguNkulunkulu wabonkulunkulu, neNkhosi yemakhosi, nguNkulunkulu lomkhulu, nalonemandla nalowesabekako; akakhetsi, kantsi futsi akadizelwa.
Kufanele ningawephuli umtsetfo, futsi ningabakhetsi bantfu. Akukafaneli nemukele umdizo, ngobe uphumphutsekisa emehlo alabahlakaniphile, uphambukise nemavi alabalungile.
“Ningabadleleli betive nome tintsandzane emalungelo langewabo nome nitsatse sembatfo semfelokati sibe sibambiso salakwebolekile.
“Nangabe emadvodza abanga lokutsite, kufanele akumikise enkantolo, behluleli bayekulijuba lelo cala, bavikele longenacala balahle lonelicala.
Ngobe lowo lowenta lokungakalungi, uyakwemukela lokungakalungi lakwentile, ngobe kuyawube kungakhetfwa bala lamuntfu.
Kodvwa njengaloku sivunyiwe nguNkulunkulu kutsi siphatsiswe liVangeli, asikhulumeli kujabulisa bantfu, kodvwa sikhulumela kujabulisa Nkulunkulu lohlola tinhlitiyo tetfu.
Nanimbita ngekutsi nguBabe, lowo lowehlulela ngaphandle kwekukhetsa buso bemuntfu, ehlulele ngekwemisebenti yemuntfu, hambani ngekwesaba kulesikhatsi nisetihambi kulomhlaba.
Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”
Nangabe umuntfu ona kulomunye umuntfu, Nkulunkulu uyammelela; kodvwa nangabe umuntfu ona kuSimakadze, ngubani loyakumncusela?” Kodvwa emadvodzana akazange alitsatse livi leyise; ngobe kwakuyintsandvo yaSimakadze kutsi abulawe.