Danyela 9:16 - Siswati 1996 Bible

Awu Simakadze, ngako konkhe kulunga kwakho mane ugucule intfukutselo yakho nelulaka lwakho kuyo iJerusalema, lidolobha lakho, leliyintsaba yakho lengcwele. Tono tetfu nekona kwabobabe sekwente iJerusalema nesive sakho kwaba lihlazo kubo bonkhe labakhelene natsi.

Danyela 9:16 Referencias Cruzadas

Nehemiya 9:8

Wakhandza kutsi inhlitiyo yakhe yetsembekile kuwe, wase wenta sivumelwane naye kutsi lelo live uyawuliniketa titukulwane takhe, live lemaKhenani, nemaHethi, nema-Amori, nemaPheresi, nemaJebhusi kanye nemaGirigashi. Usigcinile setsembiso sakho, ngobe wena ulungile.

Tihlabelelo 143:1

Simakadze, vani umkhuleko wami ubeke indlebe yakho ekuncengeni kwami, ungiphendvule njengekwetsembeka kwakho nangekulunga kwakho.

Tihlabelelo 31:1

Simakadze wena usiphephelo sami, ungacali ungijabhise, ngephule ngekulunga kwakho.

Tihlabelelo 41:13

Akabongwe Simakadze, Nkulunkulu wema-Israyeli, kusukela phakadze kuze kube phakadze. Amen! Yebo, Amen!

Tihlabelelo 71:2

Ngisindzise ngekulunga kwakho, ungihlenge, beka indlebe yakho ngakimi, ungisindzise.

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Tihlabelelo 85:4

Sibuyise, Nkulunkulu wensindziso yetfu! Lahla kucansuka kwakho ngatsi.

Tihlabelelo 89:51

Awu, Simakadze! Titsa takho tiyayihhalatisa lenkhosi loyigcobile, tiyayilandzela tiyibambe, tiyibhaceke ngetinhlamba.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Jeremiya 24:9

‘Ngiyawubenta babe sinengiso nesikhubekiso kuyo yonkhe imibuso yemhlaba, babe lihlazo nesiga, babe yintfo yekuhlekisa nesicalekiso, nome ngukuphi lapho ngibadzingisele khona.

Jeremiya 29:18

Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 32:31

Kusukela mhlazana lakhiwa kuze kube ngunyalo lelidolobha lingitfukutselise langicunula kangangekutsi kufanele ngilisuse embikwami.

Jeremiya 32:32

Bantfu baka-Israyeli nebakaJuda bangicunula ngabo bonkhe bubi lababentile: bona kanye nemakhosi abo, netindvuna tabo, nebaphristi babo, nebaphrofethi babo, nemadvodza akaJuda kanye nabo bonkhe baseJerusalema.

Hezekeli 22:4

sewunelicala ngenca yekucitsa ingati, wabuye watingcolisa ngetithico lotentile. Sewente emalanga akho ashesha kuphela, nesiphetfo seminyaka yakho sesifikile. Ngako-ke ngitakwenta ube yintfo yekuhlekisa nentfo yekuphukutwa kuwo onkhe emave.

Hezekeli 5:14

“Ngiyawukwenta ube yincitsakalo nelihlazo emkhatsini wetive letibomakhelwane bakho, embikwabo bonkhe bantfu labendlulako.

Danyela 11:45

Iyawumisa emathende ayo ebukhosi emkhatsini wetilwandle entsabeni lenhle nalengcwele. Noko iyawufika esiphetfweni sayo, futsi kute namunye loyawuyilamulela.”

Danyela 9:20

Ngatsi ngisakhuluma ngithandaza, ngivuma tono tami netono tesive sema-Israyeli akitsi, ngiletsa kuncusa kwami kuSimakadze Nkulunkulu wami ngentsaba yakhe lengcwele,

Joweli 3:17

“Niyawube seniyati-ke kutsi: Mine, Simakadze, Nkulunkulu wenu, ngihlala eSiyoni, intsaba yami lengcwele. IJerusalema iyawuba ngcwele, kute betive labayawuphindze bayihlasele.

Zakhariya 8:3

Naku lokushiwo nguSimakadze, utsi: “Ngiyawubuyela eSiyoni, ngihlale eJerusalema. Lapho-ke iJerusalema sekuyawutsiwa Lidolobha Lekwetsembeka, nentsaba yaSimakadze longuSomandla iyawubitwa ngekutsi yiNtsaba Lengcwele.”

2 kubaseThesalonika 1:6

Ngempela Nkulunkulu wehlulela kahle ngekubuyisela kuhlupheka kulabo labanihluphako,

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.

1 Samuweli 2:7

Simakadze uyaphuyisa, abuye anjingise. Uyatfobisa, aphindze aphakamise.