Danyela 8:18 - Siswati 1996 Bible

Watsi asakhuluma nami, ngabe sengikulobukhulu butfongo, buso bami bubheke phansi. Wase uyangitsintsa ngesandla, wangisukumisa, ngema ngetinyawo tami.

Danyela 8:18 Referencias Cruzadas

Genesisi 15:12

Latsi nalishonako lilanga, Abrama wehlelwa butfongo lobukhulu, walala; asalele wefikelwa luvalo nekwesaba lokukhulu.

Jobe 4:13

Kwatsi emkhatsini wekuvinjetelwa kwami ngemaphupho ebusuku, ngesikhatsi bantfu behlelwa ngulobukhulu butfongo,

Hezekeli 2:2

Watsi asakhuluma, Moya wangena kimi wangisukumisa, ngema ngetinyawo tami, ngamuva akhuluma kimi.

Danyela 10:16

Kwaba khona lonjengemuntfu lowatsintsa tindzebe temlomo wami, ngase ngiyakhuluma; ngakhuluma kulowo labeme embikwami, ngatsi: “Ngehlulwa kwesaba ngenca yalombono, nkhosi yami, angisenamandla.

Danyela 10:18

Waphindza futsi lona labenjengemuntfu wangitsintsa, wanginika emandla.

Danyela 8:17

Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.

Zakhariya 4:1

Lengilosi leyayikhulume nami yabuya, yangivusa, njengemuntfu nakavuswa ebutfongweni.

Lukha 22:45

Wesuka ekuthandazeni, wabuyela kubafundzi bakhe wabakhandza sebalele, ngobe bebakhatsateke kakhulu etinhlitiyweni tabo.

Lukha 9:32

Phetro nebangani bakhe babephetfwe butfongo lobukhulu, kodvwa babebhekile bayibona inkhatimulo yaJesu kanye nalamadvodza.

Imisebenti yebaPhostoli 26:6

Manje lo ngime lapha ngibekwe licala lekwetsemba setsembiso saNkulunkulu lasetsembisa kubokhokho betfu.

Sembulo 1:17

Ngatsi kube ngimbone, ngawa ngasetinyaweni takhe, ngadzimate ngaba njengemuntfu lofile. Wangibamba ngesandla sakhe sangesekudla watsi: “Ungesabi, mine ngiwekucala newekugcina,