Emakhaya etigebengu akaphazanyiswa lutfo, nalabo labacunula Nkulunkulu baphephile, yebo, labo labaphetse nkulunkulu wabo ngetandla tabo.
Danyela 8:12 - Siswati 1996 Bible Ngenca yebuphekula, libandla lalabangcwele nemihlatjelo yemalanga onkhe kwaniketelwa kulo. Lwachubeka lwaba nemphumelelo kuko konkhe lolwalukwenta, liciniso lase lidzicelwa phansi emhlabatsini. |
Emakhaya etigebengu akaphazanyiswa lutfo, nalabo labacunula Nkulunkulu baphephile, yebo, labo labaphetse nkulunkulu wabo ngetandla tabo.
Njengobe bangayinaki imisebenti yaSimakadze, nome-ke imisebenti yetandla takhe, ngako-ke utabaphihlita, bangaphindzi babuyele esimeni sabo.
Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.
Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?
Inkhosi yasenyakatfo iyawujika ibuyele eveni layo seyinjinge kakhulu. Kodvwa inhlitiyo yayo iyawube imelene nesivumelwane lesingcwele. Iyawusitsatsela tinyatselo, bese ibuyela emuva eveni layo.
Kwatsi ngisabuka, loluphondvo lwaphekehla imphi yekutsi kuliwe nalabangcwele, futsi lwabehlula,
Ngasibuka lesihhanca sisahlasela sibheke ngasenshonalanga, nangasenyakatfo, nangaseningizimu. Kute ngisho nasinye silwane lesasingemelana naso, kute nalokwakungalanyulelwa emandleni aso, sasijangaza nje senta lesikutsandzako, saze saba sikhulu kakhulu.
Savunyelwa nekutsi silwe nalabangcwele sibehlule, sanikwa nemandla etikwayo yonkhe imindeni, nebantfu, netilimi, netive.
Watsi kube Davide aluve loluzungu lolwase luboshwe nguSawula ngaye, wakhuluma ku-Abiyatha, umphristi, watsi: “Letsa lapha lesidziya sebaphristi.”