Danyela 6:7 - Siswati 1996 Bible

Bengameli bembuso, netindvuna, netikhulu, nebeluleki kanye nebabusi bonkhe bavumelene ngekutsi inkhosi kufanele ikhiphe umtsetfosimemetelo bese icinisa lesimemetelo ngekutsi nome ngubani lothandaza kulomunye nkulunkulu nome umuntfu ngaphandle kwakho, nkhosi, kulamalanga langema-30 letako uyawujikijelwa emgodzini wemabhubesi.

Danyela 6:7 Referencias Cruzadas

Tihlabelelo 10:9

Uyalala abhace njengelibhubesi, nalibhacela kubamba inyamatane; ubamba labo labehlulako, ahudvule losihlupheki ngelinetha lakhe.

Tihlabelelo 2:2

Emakhosi emhlaba asukume phansi ahloma, nebabusi bahlangene bemelana naSimakadze, bemelana neMgcotjwa wakhe batsi:

Tihlabelelo 59:3

Ase ubheke, ngobe bangilalele endleleni bafuna kungibulala, tichwaga titimisele kungihlasela ngaphandle kwesono sami, Simakadze.

Tihlabelelo 59:5

Wena, Simakadze, Nkulunkulu Somandla, unguNkulunkulu waka-Israyeli; vuka-ke utewujezisa tonkhe tive, ungahawukeli ngisho namunye kulaba labangemambuka. Cabanga.

Tihlabelelo 62:4

Bafuna licebo lekumketula esikhundleni sakhe lesiphakeme, batsandza emanga. Ngemilomo yabo bayabusisa, kodvwa etinhlitiyweni tabo bayacalekisa. Cabanga.

Tihlabelelo 83:5

Bacebisana ngawe nganhlitiyo yinye, bente sivumelwane ngawe.

Tihlabelelo 94:20

Babusi lababi bangaba nenhlanganyelo yini nawe, labo labenta bubi kube shangatsi ngumtsetfo?

Danyela 2:4

Ngako bosonkhanyeti baphendvula inkhosi ngesi-Aramu batsi: “Awu nkhosi, lunwele loludze, wena waphakathi, tjela tinceku takho liphupho, tsine-ke sitabe sesiyalichaza.”

Danyela 3:11

nekutsi wonkhe longawi akhotsame uyawujikijelwa kulelilangabi lemlilo lowesabekako nalohhumako.

Danyela 3:2

Yabe seyibita baholi, netindvuna, nebabusi, nebeluleki, nebagcinitikhwama, nebehluleli, nabomantji kanye nato tonkhe tiphatsimandla tetifundza, kutsi bete batewunikela lesithico, Nebukhadnezari, inkhosi, labesimisile.

Danyela 3:27

kwatsi mpu kubo baholi, netindvuna, nebabusi, netati, basondzela kubo bababunganyela. Babona kutsi lomlilo awuzange ubatsintse emitimbeni yabo, ngisho nalunye nje lunwele lwetinhloko tabo aluzange seluhashuke; imijiva yabo ayizange ishe, babenganuki ngisho neliphungana nje lemlilo imbala.

Danyela 3:6

Lowo longawi phansi asikhotsamele, utawujikijelwa masinyane ekhatsi elangabini lemlilo lowesabekako nalohhumako.”

Danyela 6:16

Ngako inkhosi yatfumela livi, kwalandvwa Danyela, wajikijelwa emgodzini wemabhubesi. Inkhosi yakhuluma kuDanyela, yatsi: “Shangatsi Nkulunkulu wakho, lomkhonta njalonjalo, angakulamlela!”

Danyela 6:22

Nkulunkulu wami utfumele ingilosi yakhe, lefike yavala imilomo yemabhubesi. Akangilimati, ngobe ngitfolakele ngite licala emehlweni akhe, kantsi nakuwe, nkhosi, kute lengikonile.”

Mikha 6:5

Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”

Nahume 2:12

Libhubesi litingele tinyamatane, letenele kondla bantfwabalo kanye nemkalo, ligcwalise sikhundla salo ngetinyamatane, lihlohle nemgodzi walo ngalelikutingele.

Matewu 12:14

BaFarisi besuka lapho baphuma bayakwakha lisu lekumbulala.

Matewu 26:4

bakha lisu lekubamba Jesu ngebucili, bambulale.

Makho 15:1

Kwanelela kwasa nje kwabutsana lonkhe Liqoqo, baphristi labakhulu, netibondza, netati, kanye nalamanye emalunga alo, bahlanganisa inkhulumo. Babopha Jesu bamchuba bayawumetfula kuPhilatu.

Johane 12:10

Kepha baphristi labakhulu benta emacebo ekubulala naLazaro;