Danyela 4:26 - Siswati 1996 Bible

Lomyalo wekushiya siphunti sesihlahla netimphandze taso kusho kutsi lombuso wakho uyawubuyiselwa kuwe, wena nase uvume kutsi Lizulu ngilo lelibusako.

Danyela 4:26 Referencias Cruzadas

Danyela 2:18

Wabacela kutsi bancuse umusa kuNkulunkulu welizulu ngalemfihlakalo, kuze kutsi yena kanye nebangani bakhe bangete babulawa kanye nato tonkhe tati taseBhabhulona.

Danyela 2:19

Kwatsi ebusuku lemfihlakalo yembulwa kuDanyela ngembono. Danyela wadvumisa Nkulunkulu welizulu,

Danyela 2:37

Wena waphakathi, nkhosi, wena uyinkhosi yemakhosi. Nkulunkulu welizulu ukunike kubusa, nemandla, neligunya, neludvumo;

Danyela 4:15

Kodvwa siphunti saso netimphandze taso kuboshwe ngensimbi nangelitfusi kusale emhlabatsini, etjanini besiganga. “ ‘Lomuntfu akanetfwe ngematolo asezulwini, futsi akaphile netilwane, ahlale emkhatsini walokumila emhlabeni.

Danyela 4:23

“Wena, nkhosi, ubone sitfunywa, lesingcwele, sehla siphuma ezulwini, sitsi: ‘Sijube leso sihlahla usibhubhise, kodvwa ushiye siphunti saso, siboshwe ngensimbi nangelitfusi etjanini besiganga, timphandze taso tisesele phansi emhlabatsini. Lomuntfu akanetfwe ngematolo asezulwini; akahlale njengetilwane tesiganga, kuze kwendlule tikhatsi letisikhombisa ngakuye.’

Danyela 4:31

Emavi abesesemlonyeni wayo, nayiva livi liphuma ezulwini, litsi: “Naku lese kumiselwe wena, nkhosi Nebukhadnezari: Emandla ebukhosi bakho asatsetfwe kuwe.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Danyela 5:20

Kodvwa watsi kube inhlitiyo yakhe ibe nekutigcabha yaba lukhuni ngenca yekutigcabha, wehliswa esihlalweni sakhe sebukhosi, wemukwa ludvumo lwakhe.

Danyela 5:21

Wakhishwa emkhatsini webantfu, wanikwa ingcondvo yesilwane; wahlala emkhatsini wetimbongolo tesiganga, wadla tjani njengetinkhomo; nemtimba wakhe wanetfwa ngematolo asezulwini, waze wavuma kutsi Nkulunkulu Longetulu Kwako Konkhe wengamele yonkhe imibuso yebantfu nekutsi ubeka etikwayo nome ngumuphi lowo latsandza kumbeka.

Matewu 21:20

Batsi nabakubona loko bafundzi bamangala, batsi: “Kwentiwe yini kutsi lomkhiwa ubune masinyane kangaka?”

Matewu 5:34

Kodvwa mine ngitsi kini: Ningafungi sanhlobo: nome ngelizulu, ngobe lingumchele waNkulunkulu;

Lukha 15:18

Ngitawuhamba ngiye kubabe ngitsi kuye: “Babe, ngonile kuNkulunkulu nakuwe.

Lukha 15:21

Lendvodzana yatsi kuyise: ‘Babe, ngonile kuNkulunkulu nakuwe, angisafanele nekutsi ngibitwe ngekutsi ngiyindvodzana yakho.’