Danyela 4:23 - Siswati 1996 Bible

“Wena, nkhosi, ubone sitfunywa, lesingcwele, sehla siphuma ezulwini, sitsi: ‘Sijube leso sihlahla usibhubhise, kodvwa ushiye siphunti saso, siboshwe ngensimbi nangelitfusi etjanini besiganga, timphandze taso tisesele phansi emhlabatsini. Lomuntfu akanetfwe ngematolo asezulwini; akahlale njengetilwane tesiganga, kuze kwendlule tikhatsi letisikhombisa ngakuye.’

Danyela 4:23 Referencias Cruzadas

Danyela 4:26

Lomyalo wekushiya siphunti sesihlahla netimphandze taso kusho kutsi lombuso wakho uyawubuyiselwa kuwe, wena nase uvume kutsi Lizulu ngilo lelibusako.

Danyela 5:21

Wakhishwa emkhatsini webantfu, wanikwa ingcondvo yesilwane; wahlala emkhatsini wetimbongolo tesiganga, wadla tjani njengetinkhomo; nemtimba wakhe wanetfwa ngematolo asezulwini, waze wavuma kutsi Nkulunkulu Longetulu Kwako Konkhe wengamele yonkhe imibuso yebantfu nekutsi ubeka etikwayo nome ngumuphi lowo latsandza kumbeka.

Danyela 8:13

Ngase ngiva longcwele akhuluma, nalomunye longcwele wakhuluma kuye, watsi: “Kutawutsatsa sikhatsi lesidze kangakanani kuze kugcwaliseke lombono, umbono lomacondzana nemihlatjelo yemalanga onkhe nalobuphekula lobubanga incitsakalo, namacondzana nekunikelwa kwendzawo lengcwele nekwelibutfo lasezulwini lelitawugcotjwagcotjwa ngetinyawo?”