Danyela 2:29 - Siswati 1996 Bible

“Ngesikhatsi usalele lapho, wena waphakathi, ingcondvo yakho igucukele ngasetintfweni letitako, kwase kutsi umembuli wetimfihlakalo wakubonisa loko lokutakwenteka.

Danyela 2:29 Referencias Cruzadas

Genesisi 41:25

Josefa wakhuluma kuFaro watsi: “Omabili lamaphupho aFaro, asho intfo yinye. Nkulunkulu wembulele Faro ngaloko latakwenta.

Hezekeli 38:10

“ ‘Naku lokushiwo yiNkhosi Simakadze, itsi: Ngalelo langa kuyawufika imizindlo engcondvweni yakho, uyawukwakha lisu lelibi.

Danyela 2:22

Wembula tintfo letijulile naletifihlakele, uyakwati konkhe lokubhace ebumnyameni, nekukhanya kuhlala kukuye.

Danyela 2:23

Ngiyakubonga ngidvumise wena, Nkulunkulu wabobabe: Ungiphe kuhlakanipha nemandla, ungatisile loko besikucela kuwe, usatisile liphupho lenkhosi.”

Danyela 2:28

kodvwa ukhona Nkulunkulu losezulwini lowembula timfihlakalo. Nguye lobonise inkhosi Nebukhadnezari loko lokutakwenteka kulamalanga letako. Liphupho lakho nemibono yakho leyendlule lapha engcondvweni yakho usalele embhedzeni wakho ngunaku:

Danyela 2:45

Ngiyo leyo-ke inchazelo yalombono welidvwala lelahleshulwa entsabeni, kodvwa hhayi ngetandla temuntfu, ngilo lelidvwala lelabhidlita insimbi, nelitfusi, nelibumba, nesiliva kanye negolide, kwaba ticucu. “Nkulunkulu lomkhulu wembulele inkhosi loko lokutakwenteka kuletikhatsi letitako. Leliphupho liliciniso, nalokuchazwa kwalo kwetsembekile.”

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

Amose 4:13

Ngako-ke lalelani! Yena lowo lobumba tintsaba, adale umoya, embule imicabango yakhe kumuntfu, yena lowo logucula intsatsakusa, ayente bumnyama, anyatsele tindzawo letiphakeme temhlaba, nguSimakadze Nkulunkulu longuSomandla libito lakhe.