ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.
Danyela 1:17 - Siswati 1996 Bible Lamajaha lamane Nkulunkulu wawanika lwati nekucondza kwato tonkhe tinhlobo temfundvo netetincwadzi letatibhaliwe. Danyela abesayicondza yonkhe imibono nemaphupho ato tonkhe tinhlobo. |
ngitakunika loko lokucelile. Ngitakunika inhlitiyo lehlakaniphile nengcondvo lehlutekile kanye nelwati loluphelele, kangangekutsi akusayikuphindze kube khona lonjengawe, futsi akazange asabekhona kucala kunawe.
Sonkhe sive sema-Israyeli satsi nasiva lesigwebo lesikhishwe yinkhosi, sacalela phansi kuyihlonipha inkhosi, ngobe sabona kahle kutsi inekuhlakanipha kwaNkulunkulu kwekuhola nekwehlulela ngekulunga.
Ngiphe inhlakanipho nekucondza, kuze ngikwati kuhola lesive, ngobe ngubani nje longakhona kubusa lesive sakho lesikhulu kangaka?”
ngako-ke utawunikwa lokuhlakanipha nekucondza. Ngetulu kwaloko ngitakunika nemcebo, nebunjinga, nekuhlonishwa, lokungazange sekube nenkhosi leyake yaba nako ngembili kwakho, futsi kute leyawubuye ibe nako emvakwakho.”
Wafuna Nkulunkulu ngemalanga ekuphila kwaZakhariya, lowamfundzisa kwesaba Nkulunkulu. Ngesikhatsi asafuna Simakadze, Nkulunkulu wamupha imphumelelo.
Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.
Kwatsi ekupheleni kwalesikhatsi lesasimiswe yinkhosi kutsi bangeniswe, lendvuna yavele yabetfula kuNebukhadnezari.
Kuyo yonkhe indzaba yekuhlakanipha neyekucondza, inkhosi leyayibabuta ngayo yabakhandza bancono ngalokuphindvwe kalishumi kunato tonkhe tangoma nebatsebuli lababe kuwo wonkhe umbuso wayo.
Kwakufanele kube ngemajaha lamahle langenasiyela, labenemandla nenhlitiyo yako konkhe kufundziswa, lanelwati, lanengcondvo lekhaliphile, lalungele kusebenta esigodlweni senkhosi. Kwakufanele awafundzise lulwimi netincwadzi taseBhabhulona.
Ngemnyaka wesitsatfu waKhuresi, inkhosi yasePheresiya, kwefika umbono kuDanyela, labebitwa ngekutsi nguBhelteshasari. Emavi awo abeliciniso, futsi abemacondzana nekulwa lokukhulu. Kuwacondzisisa kahle kwakhe kweta ngembono.
Kwatsi ebusuku lemfihlakalo yembulwa kuDanyela ngembono. Danyela wadvumisa Nkulunkulu welizulu,
Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.
Ngiyakubonga ngidvumise wena, Nkulunkulu wabobabe: Ungiphe kuhlakanipha nemandla, ungatisile loko besikucela kuwe, usatisile liphupho lenkhosi.”
Lemfihlo yembuliwe kimi, hhayi ngobe mine nginekuhlakanipha lokukhulu kwendlula labanye bantfu labaphilako, kodvwa kuze kutsi wena, nkhosi, utekwatiswa inchazelo, khona utewucondzisisa loko lokwendlule engcondvweni yakho.
Ngako ngayala kutsi tonkhe tati taseBhabhulona tite lapha embikwami, titengichazela leliphupho lami.
Ngivile kutsi umoya wabonkulunkulu ukuwe nekutsi uyakubona lokusitsekile, unengcondvo kantsi unekuhlakanipha lokugcamile.
Kwatsi ngemnyaka wekucala waBhelshasari, inkhosi yaseBhabhulona, Danyela wabhudza liphupho, kwendlula imibono engcondvweni yakhe aselele embhedzeni wakhe ngalobo busuku. Walibhala phansi leliphupho alandzisa lobekucuketfwe ngilo leliphupho.
Ngemnyaka wesitsatfu wekubusa kwenkhosi Bhelshasari, mine Danyela ngabona umbono, ngemvakwalowo lowase ubonakele kimi.
Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.
ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.
Kodvwa Moya wanika Stefano kuhlakanipha kangangobe abetsi nakakhuluma behluleke nekumphikisa.
wamsindzisa kuto tonkhe tinhlupheko takhe. Josefa watsi nakema embikwaFaro, inkhosi yaseGibhithe, Nkulunkulu wamnika umoya lomuhle nekuhlakanipha. Faro wamenta umbusi etikwalo lonkhe laseGibhithe nasetikwendlu yakhe yonkhe.
Mosi wafundziswa yonkhe inhlakanipho yemaGibhithe, waba lijaha leliyindvodza leyayinemandla ekukhulumeni nasetentweni.
Kanjalo-ke natsi, kusukela mhlazana siva ngani, asizange siyekele kunithandazela, sinincusela kutsi niphelele ekwatini intsandvo yaNkulunkulu ngekuhlakanipha nekucondza konkhe kwaMoya.
Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.
Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.