Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.
Amose 7:17 - Siswati 1996 Bible “Ngako-ke naku lokushiwo nguSimakadze: “ ‘Umfati wakho uyawuba yingwadla yelidolobha; emadvodzana nemadvodzakati akho ayakufa ngenkemba. Emasimi akho atawulinganiswa, abelwe labanye; wena utakufa, ufele eveni lemahedeni. Israyeli, vele, yena utawutfunjwa, esuswe eveni lakhe lekutalwa.’ ” |
Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.
Wacosha tive embikwabo, lelive walenta laba lifa labo, lapho imindeni yaka-Israyeli yayingamisa khona emathende ayo.
Tinswane tabo tiyawuphahlatwa tibe ticucu embikwabo babuka, tindlu tabo tiyawuphangwa, nebafati babo badlwengulwe.
Utakugicita kamatima njengebhola, akujikijele eveni lelikhulu. Ngulapho-ke uyawufela khona, lapho tincola takho letinhle tiyawusala khona, wena hlazo lendlu yenkhosi yakho!
Labantfu labaphrofetha kubo bayawulahlelwa etitaladini taseJerusalema ngenca yendlala nenkemba. Kuyawubate namunye loyawubangcwaba, bona kanye nebafati babo, nemadvodzana nemadvodzakati abo. Ngiyawutfululela kubo inhlekelele lebafanele.
Wena-ke Phashuri, nabo bonkhe basekhaya kakho, niyawutfunjelwa eBhabhulona. Niyawufike nifele khona lapho, ningcwatjwe khona, wena kanye nabo bonkhe labangani bakho lophrofethe kubo emanga.’ ”
Kwatsi sikhashana nje emvakwekube umphrofethi Hananiya asalephulile lijoko lelalisentsanyeni yemphrofethi Jeremiya, kwefika livi laSimakadze kuJeremiya, latsi:
Ngako-ke naku lokushiwo nguSimakadze, utsi: ‘Sekusondzele kutsi ngikukhweshise emhlabeni. Kuwo nje lomnyaka lona utakufa, ngobe ushumayele kuhlubuka Simakadze.’ ”
Naku lokushiwo nguSimakadze longuSomandla, Nkulunkulu wema-Israyeli, mayelana na-Ahabi, umsa waKholaya, nangaSedekiya, umsa waMaseya, labaphrofetha emanga kini egameni lami, utsi: ‘Ngitawubanikela kuNebukhadnezari, inkhosi yaseBhabhulona, yena uyawufike ababulale embikwemehlo enu nibuka.
“Naku lokushiwo nguSimakadze longuSomandla, Nkulunkulu wema-Israyeli, utsi: Utfumele tincwadzi ngelibito lakho kubo bonkhe bantfu baseJerusalema, nakuZefaniya, umsa waMaseya, umphristi, nakubo bonkhe labanye baphristi. Watjela Zefaniya watsi:
Simakadze watsi: “Ngalendlela bantfu baka-Israyeli bayakudla kudla lokungcolile emkhatsini wetive, lapho ngiyawubacoshela khona.”
Bangeke basale eveni laSimakadze; Efrayimu uyawubuyela eGibhithe, adle kudla lokungcolile e-Asiriya.
Ngako-ke nitawuba kanye nebekucala kulabayawudzingiswa. Lokutamasa kwenu ngemadzili, nicambalale kamnandzi, kutawuphela.
Ngobe naku lokushiwo nguAmose, utsi: “ ‘Jerobowamu utakufa ngenkemba, ema-Israyeli wona ngempela atawudzingiswa, esuswe eveni lawo lekutalwa.’ ”
Ngabona Simakadze eme ngaselatini, watsi: “Shaya tihloko tetinsika, kuze tenabelo teminyango titewunyikanyika. Juba tihloko tetinsika utehlisele etinhloko tabo bonkhe bantfu; labo labasele ngiyawubabulala ngenkemba. Kute namunye loyawubaleka; yebo, kute loyawuphunyula.
Naku-ke lokushiwo nguSimakadze, utsi: “Ngempela emehlo eNkhosi Simakadze asetikwawo wonkhe lowo mbuso lowonako. Ngiyakuwubhubhisa ungabikho ebusweni bemhlaba, noko ngingeke ngiyibhubhise yonkhe indlu yakaJakobe.
Takhamiti takaJuda, hhulani tinwele tenu, nililele bantfwabenu lenibatsandzako. Singani tinhloko tenu tibe tincacadvu njengemphandla, ngobe bantfwabenu batawutfunjwa.
Ngiyakubutsela tonkhe tive eJerusalema kutekulwa nayo; lelidolobha liyawutfunjwa, tindlu tiphangwe, nebesifazane badlwengulwe. Incenye yebantfu balelidolobha iyawutfunjwa, kodvwa laba labanye bantfu labayawube basele bangeke basuswe kulelidolobha.