Amose 7:15 - Siswati 1996 Bible

Kodvwa Simakadze wangitsatsa ekweluseni kwami timvu, watsi kimi: ‘Hamba uyewuphrofetha esiveni sami, ema-Israyeli.’

Amose 7:15 Referencias Cruzadas

2 Samuweli 7:8

“Manje-ke tjela inceku yami Davide, utsi: ‘Naku lokushiwo nguSimakadze longuSomandla, utsi: “Ngakutsatsa emadlelweni, ekulandzeleni imihlambi, kutsi utewuba ngumholi wesive sami, ema-Israyeli.

1 Emakhosi 19:19

Ngako Elija wesuka lapho wahamba wakhandza Elisha, umsa waShafati, alima ngesipani setinkhabi letatingema-24, yena abekuleti letimbili tekugcina. Elija waya kuye, wafike wamembesa ngalengubo yakhe.

Jeremiya 1:7

Kodvwa Simakadze wakhuluma kimi, watsi: “Ungasho kutsi, ‘ngisengumntfwana.’ Kufanele uhambe uye kubo bonkhe bantfu lengikutfuma kubo, ufike usho loko lengikutfuma kona.

Jeremiya 26:12

Jeremiya wase ukhuluma kuto tonkhe letiphatsimandla nakubo bonkhe labantfu, watsi: “Simakadze ungitfumile kutsi ngitewuphrofetha ngalendlu nangalelidolobha tonkhe letintfo lesenitivile.

Amose 3:8

Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Matewu 9:9

Jesu asengca lapho, wabona umuntfu, libito lakhe kunguMatewu, ahleti endzaweni yekutselisa, watsi kuye: “Ngilandzele!” Nembala wasukuma wamlandzela.

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 4:20

Ngako singeke tsine siyekele kukhuluma ngaloko lesikubonile nalesikuvile.”

Imisebenti yebaPhostoli 5:20

“Hambani niye ethempelini, nitjele bantfu bonkhe ngalemphilo lensha.”

1 Samuweli 10:11

Kwatsi bonkhe labo bebamati ngaphambili nabambona aphrofetha kanye nebaphrofethi, babutana bodvwa batsi: “Yini-ke lena leseyehlele indvodzana yaKhishi? Kantsi naSawula sewungumphrofethi yini?”