Ngobe mine nceku yakho ngiyati kutsi ngonile, kodvwa lamuhla sengite lapha njengewekucala kubo bonkhe bendlu yakaJosefa, kutsi ngitetitfoba ngihlangabete inkhosi yami, nkhosi.”
Amose 5:6 - Siswati 1996 Bible Funanai Simakadze, nitewuphila, ngobe nakungenjalo, utawuhlasela lendlu yakaJosefa njengemlilo. Lomlilo utawukhotsisisa, iBetheli imeswele lotawucisha lowo mlilo. |
Ngobe mine nceku yakho ngiyati kutsi ngonile, kodvwa lamuhla sengite lapha njengewekucala kubo bonkhe bendlu yakaJosefa, kutsi ngitetitfoba ngihlangabete inkhosi yami, nkhosi.”
Jerobowamu-ke bekayindvodza leme kahle, kwatsi kube Solomoni abone kutsi lelijaha liwenta kahle kanganani umsebenti walo, wabe sewulibeka indvuna yemisebenti yonkhe leyayentiwa ngemphoco bendlu yakaJosefa.
Njengobe bangishiyile mine, batfuncisa imphepho kulabanye bonkulunkulu, bangitfukutselisa ngato tonkhe letithico labatibumbe ngetandla tabo, intfukutselo yami itawutfululelwa kulendzawo, futsi ingeke icisheke.’
Wena utsite: “Funani buso bami.” Mine-ke enhlitiyweni yami ngitsi: “Buso bakho, Simakadze, ngiyabufuna.”
“Nangabe umuntfu atsite uyababela ensimini nome efusini lakhe, kwaphunyuka lomlilo washisa emabibi nome emabele alomunye nome yonkhe insimi yalomunye, kufanele lokudla akukhiphele inkhokhelo lephelele.
Emadvodza lanemandla ayawuba timbhaca, umsebenti wawo ufanane nenhlase: kokubili kuyawusha ndzawonye, kubete longawucisha lowo mlilo.”
Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.
Jeremiya wayiphendvula watsi: “Bangeke bakunikele. Lalela Simakadze, ngekwenta loku lengikutjele kona. Khona-ke kutabe sekukuhambela kahle konkhe, imphilo yakho iphunyule ekufeni.
Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”
“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.
ukhulume kulo, utsi: ‘Naku lokushiwo nguSimakadze, utsi: Ngimelene nawe. Ngitawukhokha inkemba yami emgodleni wayo, ngibabulale ngayo ngibesuse kuwe labalungile nalababi.
Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’
ubobatjela kutsi mine, iNkhosi Simakadze, ngitawutsatsa lomzaca lomelele baka-Israyeli ngiwubeke kanyekanye nalona lomelele bakaJuda. Ngalemizaca lemibili ngitakwenta umzaca ube munye lengitawuphatsa ngesandla sami.
“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.
Funani lokuhle, hhayi lokubi, khona nitewuphila. Khona-ke Simakadze Nkulunkulu longuSomandla uyawuba nani, njengobe nani nisho kutsi unani.
Ninatsa liwayini ngetitja letigcwele, nitigcobise ngemafutsa lanuka kamnandzi, kodvwa anidzabuki ngekucitfwa kwaJosefa.
Funani Simakadze, nonkhe nine lenitfobekile belive, nine lenenta loko latsi kwenteni. Funani kulunga, nifune kutfobeka, mhlawumbe ningahle nivikeleke ngelilanga lentfukutselo yaSimakadze.
“Ngiyakuyicinisa indlu yakaJuda, ngiyisindzise indlu yakaJosefa. Ngiyakubabuyisela, ngobe nginesihawu ngabo. Bayakuba shangatsi angizange sengibalahle, ngobe mine nginguSimakadze Nkulunkulu wabo, futsi ngiyawubaphendvula.
Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.
Lelive kufanele nilisike tigaba letisikhombisa. Sive sakaJuda kufanele sihlale endzaweni yaso eningizimu, bese kutsi sive sakaJosefa naso sibesendzaweni yaso enyakatfo.