Amose 5:21 - Siswati 1996 Bible Simakadze utsi: “Ngiyawatondza, futsi ngiwabukela phansi lamadzili enu enkholo; ngiyehluleka kuyemukela leyo mihlangano yenu. |
Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.
Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.
Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.
Nangabe umuntfu angafuni kugcina umtsetfo, ngisho nemithandazo yakhe iyenyanyeka kuNkulunkulu.
Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.
Nome bangazila, ngingeke ngikulalele kukhala kwabo; nome banganikela ngeminikelo yekushiswa nangeminikelo yalokutinhlavu, ngingeke ngibemukele. Esikhundleni saloko ngitababhubhisa ngenkemba, nangendlala, nangesifo lesibulalanako.”
Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi.”
Watsi ngesikhatsi agwadla ebaleni ahlubula nebungcunu bakhe, ngagucuka ngamfulatsela ngijabhile, njengaloku ngangifulatsele dzadzewabo.
Ngitayicedza yonkhe lemikhosi yakhe: emadzili akhe eminyaka newekwetfwasa kwenyanga, newemaSabatha akhe, nawo onkhe emadzili akhe lamisiwe.
Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.
Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.
Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.
Simakadze utsi: “Sive saka-Israyeli, hambani niye eBetheli, indzawo lengcwele, niyekona, nichubeke niye eGilgali, nandzise khona tono tenu, njengobe nitsandza kwenta. Onkhe emalanga ekuseni niletse imihlatjelo yenu, bese kutsi kanye ngeminyaka lemitsatfu niletse kwelishumi kwenu.
Shisani sinkhwa senu lesinemvubelo kube ngumnikelo wekubonga, tigabatiseni ngeminikelo yenu yesihle. Gungubalani ngayo, nine ma-Israyeli, ngobe nguko loko lenitsandza kukwenta.
INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”
Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”
“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [
Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.
Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.