yekutsi lomubi uyacolelwa ngelilanga lenhlekelele nekutsi uyakhululeka ngelilanga lelulaka?
2 yaPhetro 2:4 - Siswati 1996 Bible Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa. |
yekutsi lomubi uyacolelwa ngelilanga lenhlekelele nekutsi uyakhululeka ngelilanga lelulaka?
Wadedela lulaka lwakhe, wangete walubamba, wangete wawuphephisa umphefumulo wabo ekufeni, kodvwa timphilo tabo watinikela ngetifo letibulalanako.
“Maye, lokuwa kwakho ezulwini! Awu, nkhwekhweti yekusa! Ndvodzana yentsatsakusa! Ugeciwe walahlwa phansi, wena lowake walalisa tive lunja!
Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.
Angiyikukubuka ngesihawu, nome ngikushiye, ngempela ngiyakukubuyisela njengekutiphatsa kwakho nangaletinengiso letisemkhatsini wenu. Ngulapho-ke niyawukwati khona kutsi mine nginguSimakadze.
Ngingeke ngikubuke ngesihawu nome ngikushiye, ngitakukhokhela njengekutiphatsa kwakho nangaletinengiso letisemkhatsini wenu. Khona-ke utawube sewuyati kutsi mine Simakadze ngimi lona logalela ngalendvuku.
“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!
Bamemeta batsi: “Sinamsebenti muni nawe, Ndvodzana yaNkulunkulu, sewutele kutesivisa buhlungu yini sikhatsi sisengakefiki?”
Yamemeta ngelivi lelikhulu yatsi: “Ufunani kimi wena, Jesu, Ndvodzana yaNkulunkulu Losetikwako Konkhe? Mane ungangihluphi!”
Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.
Ngobe nangabe Nkulunkulu angazange awaphephise emagala emvelo, kuyakhanya kutsi nawe angeke akuphephise.
Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?
Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.
kantsi ngisho netingilosi, letinkhulu kakhulu kunabo ngebuchawe nangemandla, atibahlambalati labo bantfu ngekubamangalela embikweNkhosi.
Nkulunkulu akazange awuyekele umhlaba wakadzeni, kodvwa wamlondvolota Nowa, umshumayeli wekulunga, kanye nalabanye lababesikhombisa, ngesikhatsi aletsa zamcolo emhlabeni walababengamesabi Nkulunkulu.
INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,
Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.
Bantfu labanjena banjengemagagasi elwandle, bakhephuta emahlazo abo; batinkhanyeti leteduka lese tagcinelwa bumnyama bebumnyama baphakadze.
Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.
Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.