2 yaPhetro 1:6 - Siswati 1996 Bible

nasekwatini nengete kutitsiba, nasekutitsibeni nengete kukhutsatela, nasekukhutsateleni nengete kumesaba Nkulunkulu,

2 yaPhetro 1:6 Referencias Cruzadas

Genesisi 5:24

Enoki abehamba naNkulunkulu, wase uyanyamalala ngobe Nkulunkulu abesamtsatsile.

Tihlabelelo 37:7

Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.

Isaya 57:1

Lolungile uyabhubha, kubete nalotihluphako ngako enhlitiyweni yakhe. Bantfu labatinikelako bayesuswa, kubete nalokucondzako loko kutsi labalungile bayesuswa, kuze batewuphephiswa kulokubi.

Lukha 21:19

Ciniselani ngekubeketela kwenu, niyawutisindzisa ngaloko.”

Lukha 8:15

Kuhlanyelwa kwaleyo leyawela emhlabatsini lovundzile kufanekisa labo labalivako livi laNkulunkulu baligcine ngekutitfoba lokukhulu babeketele, baze batsele titselo letihle.”

Imisebenti yebaPhostoli 24:25

Kodvwa asachubeka achaza ngekutiphatsa kahle, kutibamba nangekugwetjwa lokuseta, Feliksi wetfuka watfutfumela wadzimate watsi: “Kwamanje ase uhambe. Ngitawuphindze ngikubite, nase ngitfole lesinye sikhatsi.”

KubaseRoma 15:4

Konkhe kwasendvulo lokusemBhalweni kwabhalelwa kufundzisa tsine, kuze sibe nelitsemba lelingumphumela wekubeketela newekucinisela lesikutfola kulowo mBhalo.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

KubaseRoma 8:25

Kodvwa nasetsemba loko lesingakuboni, sikulindzela ngekubeketela.

1 kubaseKorinthe 9:25

Bantfu labancintisanako batitsiba kuko konkhe, bukani-ke ngobe labo basuke bentela kutfola umklomelo lophelako, kangakanani-ke tsine lesiyakwemukela umklomelo longeyiwuphela.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

KubaseGalathiya 5:23

nekutfobeka, nekutibamba; kute umtsetfo lophambene naletintfo.

KubaseKholose 1:11

Sinincusela kutsi Nkulunkulu anicinise ngemandla ebukhosi bakhe, kuze kutsi nome sekuvelani kodvwa nine nisime, nime, nibeketele ngekujabula,

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

2 kubaseThesalonika 1:4

Nguko nje tsine ngekwetfu sitigabatisa ngani emabandleni aNkulunkulu; sibonga indlela lenibambelele ngayo ekukholweni kwenu nome nitingelwa kangaka, noko nikwatile kutimela tinhlupheko.

2 kubaseThesalonika 3:5

Shangatsi iNkhosi ingacondzisa tinhlitiyo tenu elutsandvweni lwaNkulunkulu nasekubeketeleni kwaKhristu.

1 kuThimothi 2:10

kodvwa bahlobe ngetento letinhle letifanele labasikati labatsi besaba Nkulunkulu.

1 kuThimothi 2:2

Khulekelani emakhosi nabo bonkhe labasetikhundleni letiphakeme, khona sitewuphila imphilo yekuthula, ngekwesaba Nkulunkulu nangako konkhe kuhlonipheka.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

1 kuThimothi 6:3

Nangabe kukhona lofundzisa lokunye lokungavumelani nemavi laphilile eNkhosi yetfu Jesu Khristu, nemfundziso lenekumesaba Nkulunkulu,

1 kuThimothi 6:6

Vele kuyinzuzo lenkhulu kwesaba Nkulunkulu kanye nekweneliseka.

2 kuThimothi 3:5

Bayawuba nesimo sekumesaba Nkulunkulu, kodvwa babe bawaphika emandla ako; labo-ke ubakhweshele.

kuThithusi 1:1

Lencwadzi iphuma kuPawula, sisebenti saNkulunkulu, nemphostoli waJesu Khristu. Ngitfunyelwe kwakha kukholwa kwalabakhetsiwe baNkulunkulu ngibafundzise lwati lweliciniso ngekwesaba Nkulunkulu.

kuThithusi 1:8

Kodvwa kufanele aphatse kahle tihambi, atsandze lokulungile, aticaphele abe cotfo, abe ngcwele, atibambe.

kuThithusi 2:2

Uyale emadvodza lamadzala kutsi atitsibe, azitse, acondze, acine ekukholweni, naselutsandvweni, nasekuciniseleni.

KumaHebheru 10:36

Nidzinga kucinisela kuze kutsi nase nente intsandvo yaNkulunkulu, nitekwemukela loko lokwatsenjiswa nguye.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

KumaHebheru 6:12

Sifisa kutsi ningavilaphi, kodvwa nibe njengabo labo labadla lifa letetsembiso ngekukholwa nangekubeketela.

KumaHebheru 6:15

Abrahama wabeketela, ngako wemukela setsembiso.

2 yaPhetro 1:3

Ngemandla akhe Nkulunkulu usiphe konkhe lesikudzingako kuze siphile, simesabe njengobe simati yena lowasibitela ekuhlanganyeleni naye emandleni nasebukhosini bakhe.

2 yaPhetro 3:11

Njengobe-ke tonkhe letintfo titawubhidlitwa kanjalo, nine-ke kufanele nibe bantfu labanjani? Kufanele nitinikele ngalokuphelele kuNkulunkulu, niphile ngekumesaba yena,

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 13:10

Nakukhona lofanele kutfunjwa, akatfunjwe; nakukhona lofanele kubulawa ngenkemba, akabulawe ngayo. Loku kubita kucinisela nekukholwa kwalabangcwele.

Sembulo 14:12

Loku kubita kucinisela kwalabangcwele, labo labagcina imiyalo yaNkulunkulu nekukholwa nguJesu.

Sembulo 2:2

Ngiyayati imisebenti yakho, nekuphishaneka kwakho, nekubeketela kwakho, nekutsi ungeke ubamele bantfu lababi, kangangekutsi nalabo labatibita ngekutsi baphostoli, kantsi abasibo, ubahlolile, wavele wabakhandza bacala emanga.