2 yaPhetro 1:12 - Siswati 1996 Bible

Ngako-ke sonkhe sikhatsi ngiyawube ngiloku nginikhumbuta ngaleto tintfo, nome senitati nje, nihleti nicinile kuleliciniso lese nilemukele.

2 yaPhetro 1:12 Referencias Cruzadas

Imisebenti yebaPhostoli 16:5

Ngako-ke emabandla acinisela ekukholweni, bengeteka ngebunyenti emalanga ngemalanga.

KubaseFiliphi 3:1

Lokunye, bazalwane, tfokotani eNkhosini. Angidzinwa kunibhalela kona loko, kepha nine niyasitakala ngako.

KubaseKholose 1:5

Sibonga litsemba lenibekelwe lona ekhaya ezulwini, leneva ngalo kucala ngesikhatsi kushunyayelwa kini livi leliciniso, liVangeli.

KubaseKholose 2:7

nisime ngekugcila, futsi nakhelwe kuye, niciniswe ekukholweni, njengaloku nifundzisiwe, nivame kubonga.

1 kuThimothi 4:6

Utawuba sisebenti saKhristu lesincomekako nawungayendlulisela kubazalwane lemiyalo. Nawe utakondleka emoyeni ngemavi ekukholwa nangemfundziso yeliciniso, lobambelele kuyo.

2 kuThimothi 1:6

Kungako ngikukhumbuta kutsi usibasele kabusha sipho saNkulunkulu lesikuwe, lowasitfola ngekubekwa ngimi tandla.

KumaHebheru 10:32

Kodvwa khumbulani emalanga ekucala, lekwatsi emvakwekukhanyiswa kwenu, nacinisela ekukhutsateleni kuhlangabetana netinhlupheko.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.

1 yaPhetro 5:12

Nginibhalele lencwajana ngisitwa nguSilasi lengimati kutsi ungumzalwane lowetsembekile. Ngiyanikhutsata ngifakaza kutsi konkhe loku ngiwo sibili umusa waNkulunkulu; ngako-ke manini nicine kulowo musa.

2 yaPhetro 1:13

Ngikubona kufanele, yingci ngisekhona kulomtimba, kwekutsi nginivusetele ngekunikhumbuta;

2 yaPhetro 1:15

Kepha ngitakwetama kwenta lisu lekutsi nisale nitikhumbula letintfo ngaso sonkhe sikhatsi, nome ngingasekho.

2 yaPhetro 3:1

Bazalwane bami, lena seyincwadzi yami yesibili lenginibhalele yona. Kuto totimbili ngetamile kuvusa tingcondvo tenu ngekunikhumbuta, kutsi nicabange loko lokufanele,

2 yaPhetro 3:17

Kodvwa nine, batsandzekako, seniyakwati loku. Ngako-ke, caphelani, kuze ningedukiswa ngemaphutsa alabangenamtsetfo, bese niyawa ekucineni kwenu.

1 yaJohane 2:21

Angikanibhaleli ngobe ningalati liciniso kodvwa ngobe nilati. Niyati futsi kutsi kute emanga laphuma ecinisweni.

2 yaJohane 1:2

ngenca yeliciniso lelihlala kitsi naleliyawuba natsi phakadze naphakadze.

YaJuda 1:17

Noko, bazalwane bami, khumbulani loko lokwashiwo yiNkhosi Jesu ngebaphostoli bakhe.

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.

YaJuda 1:5

Nome nitati tonkhe nje letintfo, ngiyatsandza kunikhumbuta ngato. INkhosi leyabahlenga baka-Israyeli ngekubakhipha eGibhithe, yabuye yababhubhisa labo labangazange bakholwe.