2 yaJohane 1:8 - Siswati 1996 Bible

Ticapheleni nine, kuze ningalahlekelwa nguloko lesikusebentele, kodvwa nemukeliswe umvuzo wenu lophelele.

2 yaJohane 1:8 Referencias Cruzadas

Danyela 12:3

Labo labahlakaniphile bayawucwebetela njengekumanyatela kwemazulu, nalabo labaholele labanye ekulungeni, bakhanye njengetinkhanyeti kuze kube nguphakadze naphakadze.

Matewu 24:4

Jesu waphendvula watsi: “Caphelani, kutsi kubete umuntfu lonedukisako.

Makho 13:23

“Kodvwa caphelani, ngobe senginitjele konkhe loku kungakenteki.”

Makho 13:9

“Ticapheleni nine, ngobe bayawunimangalela etinkantolo, niyawushaywa emasinagogeni, nimiswe embikwebabusi nemakhosi ngenca yami, nize nibeke bufakazi ngami kubo.

Lukha 19:19

Kulesi wase utsi: ‘Utakwengamela emadolobha lasihlanu.’

Lukha 21:8

Jesu watsi: “Caphelani, ningedukiswa. Kuyawufika bantfu labanyenti egameni lami, batsi: ‘Nginguye!’ batsi: ‘Sikhatsi sesifikile!’ Kodvwa ningabalandzeli!

Johane 4:36

Lovunako uyaholelwa, abutse sivuno kube kuphila lokuphakadze, kuze lohlanyelako ajabule kanye nalowo lovunako.

1 kubaseKorinthe 15:8

Ekugcineni kwabo bonkhe wadzimate wabonwa nangimi lenginjengalowatalwa kungesiso sikhatsi sakhe.

1 kubaseKorinthe 3:14

Nangabe umsebenti wemuntfu lawakhe esisekelweni ungashi, uyakwemukela umvuzo.

1 kubaseKorinthe 3:8

Lohlanyelako ulingana naloniselako, kodvwa ngulowo uyakwemukela umvuzo longangemsebenti wakhe.

KubaseGalathiya 3:4

Ngabe kambe letintfo letinyenti kangaka lesenitibonile tilite yini? Phela loko kungasho kutsi tilite.

KubaseGalathiya 4:11

Ngineluvalo ngani, shangatsi konkhe lokukhandleka kwami lapho kini kwaba lite.

KubaseFiliphi 3:16

Kuphela nje kutsi lesesifikile kuko, asihambe ngemkhondvo wako.

KumaHebheru 10:32

Kodvwa khumbulani emalanga ekucala, lekwatsi emvakwekukhanyiswa kwenu, nacinisela ekukhutsateleni kuhlangabetana netinhlupheko.

KumaHebheru 10:35

Ngako-ke ningasilahli lesibindzi senu sekwetsemba Nkulunkulu, ngobe sinemvuzo lomkhulu.

KumaHebheru 12:15

Nicaphelisise kutsi kubete lophunyulako emseni waNkulunkulu; kubete “imphandze lenashevu” lemila ibange luhlupho, ibulale labanyenti.

Sembulo 3:11

Ngiyeta masinyane, bambisisa loko lonako, kuze kubete umuntfu lokwemuka umchele wakho.