2 Samuweli 9:7 - Siswati 1996 Bible

Davide watsi: “Ungesabi, ngobe ngempela ngitakwentela umusa ngenca yeyihlo Jonathani. Ngitalibuyisela kuwe lonkhe lelo live lelalilamkhulu wakho Sawula, wena-ke utabodla nami njalo nje etafuleni lami.”

2 Samuweli 9:7 Referencias Cruzadas

Genesisi 43:18

BomnakaboJosefa besaba kakhulu, ngobe babengeniswe endlini kaJosefa, badzimate batsi: “Singeniswe lapha ngenca yalemali leyabuyiselwa emasakeni etfu nasite lapha kwekucala. Wentele kutsi atesituma, asitfumbe asente tigcili takhe, asemuke naletimbongolo tetfu.”

Genesisi 43:23

Lendvuna yabaphendvula yatsi: “Cha, kulungile, ningesabi. Nkulunkulu wenu, longuNkulunkulu weyihlo, uniphile lomcebo emasakeni enu. Mine ngayitfola inkhokhelo yenu.” Yase ibakhiphela Simeyoni, yabaletsela yena.

2 Samuweli 12:8

Ngakupha indlu yenkhosi yakho kanye nebafati benkhosi yakho kutsi babe bakho. Ngakupha indlu yaka-Israyeli neyakaJuda. Kube konkhe loku bekukuncane kakhulu kuwe, ngabe ngikwengetele ngakunika lokunye ngetulu.

2 Samuweli 19:28

Tonkhe titukulwane tamkhulu wami betingakafanelwa lutfo ngaphandle kwekubulawa yinkhosi yami, nkhosi, kodvwa inceku yakho wayipha indzawo kutsi ihlale kanye nalabadla etafuleni lakho. Ngako angisenalungelo lekubuye ngicele lomunye umusa enkhosini yami.”

2 Samuweli 19:29

Inkhosi yaphendvula yatsi: “Akusadzingeki ukhulume lokunyenti kunaloku. Sengincumile kutsi nine naSiba nitawuhlephulelana emasimi.”

2 Samuweli 19:33

Inkhosi yakhuluma kuye yatsi: “Buya uhambe nami siye eJerusalema, ngitakunakekela.”

2 Samuweli 21:7

Inkhosi yambonelela Mefiboshethi, umsa waJonathani, umsa waSawula, ngenca yesifungo labasenta embikwaSimakadze boDavide naJonathani, umsa waSawula.

2 Samuweli 9:1

Ngalelinye lilanga Davide wabuta watsi: “Sekwabate ngisho namunye yini loyinsali yendlu yakaSawula lengingamentela umusa ngenca yaJonathani?”

2 Samuweli 9:10

Wena-ke kanye nemadvodzana akho netisebenti takho kufanele nilime lomhlaba wakhe niletse tivuno, kuze lomntfwanemntfwanenkhosi yakho angetiwulamba. Mefiboshethi-ke, umntfwanemntfwanenkhosi yakho, yena utabodla kanye nami etafuleni lami onkhe emalanga.” Siba abesanemadvodzana lali-15 kanye netisebenti letingema-20.

2 Samuweli 9:11

Siba wakhuluma enkhosini, watsi: “Inceku yakho itakwenta konkhe loko lokushiwo yinkhosi yami, inkhosi, kutsi inceku ikwente.” Ngako-ke Mefiboshethi abesadla etafuleni laDavide kanye naye njengalomunye wemadvodzana enkhosi Davide.

2 Samuweli 9:13

Mefiboshethi-ke abesahlala eJerusalema, ngobe abesadla nenkhosi etafuleni layo njalo nje. Abechwale tinyawo totimbili.

2 Samuweli 9:3

Inkhosi yabuta yatsi: “Sekwabate ngisho namunye yini wendlu yakaSawula lengingamentela umusa waNkulunkulu?” Siba waphendvula inkhosi watsi: “Isekhona indvodzana yaJonathani; mane nje yachwala tinyawo totimbili.”

1 Emakhosi 2:7

“Kodvwa uboba nemusa kumadvodzana aBhazilayi wakaGileyadi, uwente abe ngulabanye balabo lotabodla nabo etafuleni lakho. Bema ngakimi bangisekela ngesikhatsi ngibalekela umnakenu Absalomu.

2 Emakhosi 25:29

Ngako Jehoyakhini wabeka eceleni labomfengeni bakhe basejele, kusukela ngalelo langa naye abedla etafuleni lenkhosi njalo nje, imphilo yakhe yonkhe.

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Jeremiya 52:33

Ngako Jehoyakhini wababeka eceleni labomfengeni bakhe basejele, kusukela ngalelo langa abedla etafuleni lenkhosi njalo nje, imphilo yakhe yonkhe.

Zakhariya 7:9

“Naku lokushiwo nguSimakadze longuSomandla, utsi: ‘Yehlulelani ngekwemtsetfocotfo, niphatsane ngemusa nangeluvelo kulowo nakulowo.

Matewu 6:11

Siphe lamuhla kudla kwetfu njengasemalangeni onkhe.

Lukha 22:30

Niyawudla ninatse etafuleni embusweni wami, niyawuhlala etihlalweni nehlulele tive tema-Israyeli letili-12.”

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.

1 Samuweli 12:24

Kodvwa nine cinisekani kutsi nesaba Simakadze, nikhonte yena ngekwetsembeka, ngayo yonkhe inhlitiyo yenu. Nikhumbule kutsi tinkhulu kanganani tintfo lanentela tona.

1 Samuweli 20:15

nekutsi ungeke wehlukane nemndeni wami phakadze naphakadze, nome ngabe Simakadze asaticitse tonkhe titsa taDavide emhlabeni.”

1 Samuweli 22:23

Hlala lapha kimi, ungesabi; ngobe lowo lofunana nemphilo yakho ufunana neyami futsi. Utawuphepha lapha kimi.”