2 Samuweli 8:6 - Siswati 1996 Bible

Davide wase umisa tinkambu temabutfo eSiriya laseDamaseko. EmaSiriya ase aba bantfu bakhe atsela kuye Davide. Simakadze wapha Davide kuncoba nome ngukuphi lapho ahlasela khona.

2 Samuweli 8:6 Referencias Cruzadas

2 Samuweli 10:19

Lawa lamanye emakhosi labengaphansi kwaHadadezeri, atsi kube abone kutsi asehlulwe ngema-Israyeli, ase enta sivumelwane sekuthula nema-Israyeli, ase aba ngaphansi kwawo. Ngako emaSiriya esaba kuphindze asite ema-Amoni.

2 Samuweli 23:14

Ngaleso sikhatsi Davide abesekhatsi enqabeni, kantsi libutfo lemaFilisti lona laliseBhetlehema.

2 Samuweli 3:18

Manje kwenteni loko! Ngobe Simakadze wetsembisa Davide watsi: ‘Ngenceku yami Davide ngiyakwephula sive sonkhe sema-Israyeli esandleni semaFilisti nasetandleni tato tonkhe titsa taso.’ ”

2 Samuweli 5:10

Wachubeka waba nemandla kakhulu, ngobe Simakadze Nkulunkulu longuSomandla abenaye.

2 Samuweli 7:9

Benginawe kuyo yonkhe indzawo lapho bewuhamba khona, ngibhubhise tonkhe titsa takho embikwakho. Manje ngitakwenta libito lakho libe likhulu njengemabito ebaholi labakhulu emhlabeni.

2 Samuweli 8:14

Wase umisa tinkambu temasotja kulo lonkhe laka-Edomu. Onkhe ema-Edomu ase aba ngaphansi kwaDavide. Simakadze wapha Davide kuncoba nome ngukuphi lapho ahlasela khona.

2 Samuweli 8:2

Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

2 Samuweli 8:7

Davide watsatsa lamahawu egolide labengewetindvuna taHadadezeri, wahamba nawo, wawayisa eJerusalema.

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

2 Emakhosi 1:1

Emvakwekufa kwa-Ahabi Mowabi wavukela Israyeli.

2 Emakhosi 14:28

Leminye imininingwane ngekubusa kwaJerobowamu, nako konkhe lakwenta, nekuncoba kwakhe timphi, nekutsi wayibuyisela njani ka-Israyeli iDamaseko neHamathi, leyase iyakaJuda, kubhaliwe encwadzini yemilandvo yemakhosi aka-Israyeli.

2 Emakhosi 18:7

Simakadze waba naye, wamphumelelisa kuko konkhe labekwenta. Wayivukela inkhosi yase-Asiriya wangete wayihlehlela.

2 Emakhosi 3:4

Mesha, inkhosi yakaMowabi, abefuye timvu, abevamise kwetfula enkhosini yaka-Israyeli emazinyane ato lati-100 000 kanye navolo wetihhanca letiti-100 000.

1 Tikhronike 18:13

Wase umisa tinkambu temasotja kulaka-Edomu. Onkhe ema-Edomu ase aba ngaphansi kwaDavide. Simakadze wapha Davide kuncoba nome ngukuphi lapho ahlasela khona.

2 Tikhronike 17:2

Wemisa emasotja kuwo onkhe emadolobha latinqaba kaJuda, wemisa emabutfo kaJuda nasemadolobheni aka-Efrayimu labetfunjwe nguyise Asa.

Tihlabelelo 140:7

Awu, Simakadze, Nkulunkulu wami, Msindzisi wami lonemandla, wena uvikela inhloko yami ngesikhatsi semphi.

Tihlabelelo 60:10

Awu, Nkulunkulu, wena usilahlile. Awu, Nkulunkulu, awusahambi nemabutfo etfu emphi.

Taga 21:31

Nome bantfu emahhashi abo bangawalungiselela imphi, kodvwa kuncoba kusetandleni taSimakadze.

1 Samuweli 13:3

Jonathani wahlasela inkambu yemaFilisti eGeba, wayehlula; emaFilisti akuva loko. Sawula wase ushaya impalampala kulo lonkhe live, atsi: “EmaHebheru akeve!”

1 Samuweli 14:1

Ngalelinye lilanga Jonathani, umsa waSawula, wakhuluma kuloludzibi lolwaluphatsa tikhali takhe, watsi: “Kota sambe, siye kulenkambu yemaFilisti lapha ngesheya.” Noko akamtjelanga uyise.

1 Samuweli 14:15

Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”