2 Samuweli 4:12 - Siswati 1996 Bible

Ngako Davide wakhipha umlayeto wawucondzisa kulamadvodza akakhe, ababulala. Bajuba tandla tabo netinyawo tabo, tidvumbu tabo batilengisa ngasesitibeni saseHebroni. Kodvwa batsatsa inhloko ya-Ishboshethi bayingcwaba ethuneni la-Abneri, eHebroni.

2 Samuweli 4:12 Referencias Cruzadas

2 Samuweli 1:15

Ngako Davide wabita lenye yalamadvodza, watsi kuyo: “Hamba kuye, umbulale!” Wavele wambulala, wafa.

2 Samuweli 16:8

Watsatsa umbuso waSawula, manje Simakadze sewujezisa wena ngenca yekubulala bantfu labanyenti kangaka bendlu yaSawula! Simakadze sewutsetse umbuso wakho wawunika indvodzana yakho Absalomu, wena sewutiphuphisile mbulali-ndzini.”

2 Samuweli 2:8

Ngaso leso sikhatsi Abneri, umsa waNeri, labeyindvuna yemphi yaSawula abesatsetse Ishboshethi, umsa waSawula, wamletsa eMahanayimu.

2 Samuweli 21:9

Wabaniketela kubantfu baseGibeyoni lababatsatsa bababulala; babalengisa entsabeni embikwaSimakadze. Babulawelwa khona bonkhe bobasikhombisa. Babulawa ngemalanga anakucalwa kuvuna, ngaso leso sikhatsi nakucala kuvunwa ibhali.

2 Samuweli 3:32

Abneri bamngcwaba eHebroni, inkhosi yakhala yadzatimula ethuneni la-Abneri; nebantfu bonkhe bakhala.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.